Evdən qaçan YENİYETMƏ DANIŞDI: "Dözə bilmədim, xoşbəxt ola bilmədim, birdə ora qayıtmaram" - VİDEO

Son zamanlar evdən qaçan yeniyetmələrin sayı kifayət qədər artıb. Təkcə son iki ay ərzində onlarla yeniyetmə evdən qaçıb.

Sonxeber.az xəbər verir ki, evdən qaçan yeniyetmələrdən biri İTV kanalına danışıb.

"Valideynlərim bir-biri ilə çox dalaşırdılar. Çox əsəbi idilər. Bütün aqresiyalarını mənim üstümə düşürdülər. Mən məktəbdə dərslərimi yaxşı oxuya bilmirdim. Məcbur deyiləm, oxuya bilmirdim. Hər dəfə məni döyürdülər. Xoşbəxt deyildim. Heç cür xoşbəxt ola bilmədim. Evi tərk etdim. Buna məcbur idim".

Adı çəkilməyən yeniyetmə artıq bir aydır ki evdən qaçıb. Restaranların birində kuryer işləyərək, pul qazanır. O bildirir ki, heç vaxt olmadığı qədər xoşbəxtəm.

"Bir aydan çoxdur yeni iş tapmışam. Bir də o evə qayıdacağıma inanmıram" - deyə yeniyetmə bildirib.

Qeyd edək ki, bu statistika getdikcə artır. Onların bəziləri polis tərəfindən tapılaraq ailələrini təhvil verilir.

Telegramda izləyin