Doğuş zamanı ölən qadının əri: "Bizə dedilər ki, özləri qəsdən qeysəriyyə yazacaqlar ki, pul çox çıxsın" - VİDEO

Xəbər verdiyimiz kimi İsmayıllıda ana doğuş zamanı həyatını itirib. Rayonun Qubaxəlilli kənd sakini 1992-ci il təvəllüdlü Əhmədova Ülviyyə Hacı qızı 23 dekabr saat 10:20-də İsmayıllı Rayon Mərkəzi Xəstəxanasında qeysəriyyə əməliyyatı olunub. Əməliyyatdan sonra xəstənin vəziyyəti qənaətbəxş olub. Lakin 24 dekabr səhər saatlarında ölüm faktı qeydə alınıb.

Sonxeber.az xəbər verir ki, vəfat edən qadının həyat yoldaşı Əhmədova Ülviyyənin ölümündə həkimləri günahlandırır.

"6 ildir evli idi. 2 övladımız var. Onların hər ikisi normal doğuşla dünyaya gəlib. Axır günlər həyat yoldaşımı Ultrasəs müayinəsi (USM)apardım. Ultrasəs müayinəsində bizə dedilər ki, hər şey normaldır. Afaq xanım sizi qeyseriyyə əməliyyatına yazacaq. Özləri qəsdən elə yazacaqlar ki, pul çox çıxsın. Getməyin qeysəriyyə əməliyanına, rahat doğuş olacaq. Amma biz Afaq xanımın yanına getdik. O bizə mütləq qeysəriyyə əməliyyatının olmasını dedi".

Qeyd edək ki, məsələ ilə əlaqədar İsmayıllı Rayon Mərkəzi Xəstəxanasının mövqeyini öyrənmək istəsək də, həkimlər müsahibə verməyiblər. TƏBİB-dən isə bildirilib ki, ölüm halı ilə bağlı qurumun müvafiq komissiyası tərəfindən araşdırma aparılır.

Daha ətraflı süjetdə:

Telegramda izləyin