"İl ərzində sülh müqaviləsinin bağlanması üçün Ermənistan siyasi iradə göstərməlidir" - POLİTOLOQ

"Dünən cənab prezidentin mətbuata verdiyi açıqlamalar ilə bir sıra məsələlərə aydınlıq gətirdi. Prezident burada Fransanın Azərbaycanla olan münasibətlərində atdığı addımları, Azərbaycana qarşı Ermənistanın silahlandırılmasını, Cənubi Qafqazda müharibəni Fransanın qarışdırdığını, o cümlədən regionda sülhə və təhlükəsizliyə təhdid yaratdığını vurğuladı. Azərbaycan bu məsələlərdə konkret olaraq mövqeyini ortaya qoydu. Geri çəkilməyəcəyini və müstəqil şəkildə öz milli təhlükəsizlik maraqlarını sonadək müdafiə edəcəyini xüsusi vurğuladı".

Bu sözləri Sonxeber.az-a açıqlamasında politoloq Məhəmməd Əsədullayev deyib. Politoloq bildirib ki, Ermənistana bu istiqamətdə ciddi mesajlar göndərildi:

" Ermənistan müəyyən bölgələrdən silah almasına baxmaram arxayın olmamalıdır. Azərbaycan tədbirlərə əl atacağını bildirdi. Azərbaycan öz silah potensialını gücləndirir və inkişaf etdirir. Azərbaycan cəmiyyətinə cənab prezident mesaj verdi ki, xalq daima hazır olmalıdır və arxayın olmalıdır. İlham Əliyev işğaldan azad olunmuş torpaqlara qayıdış ilə bağlı bildirdi ki, bu məsələ prioritet olaraq qalmaqda davam edir. İşğaldan azad olunmuş ərazilərə, xüsusilə Xocalı, Malıbəyliyə qayıdış prosesi haqqında xüsusi məlumat verildi".

Politoloqun sözlərinə görə, keçmiş məcburi köçkünlərin qayıdışının il ərzində təmin olunması istiqamətində addımlar atılacağını cənab prezident öz müsahibəsində bildirdi:

"Sülh prosesində Azərbaycan tərəfi sülhə sadiqdir. 2024-cü il sülh müqaviləsinin bağlanması üçün Ermənistan siyasi iradə göstərməlidir. 2023-cü il 19 senytabr antiterror tədbirlərindən sonra Ermənistan tərəfinin Azərbaycana göndərdiyi təkliflər paketində Qarabağ məsələsinin yer almadığı xüsusilə qeyd edildi. Bu Azərbaycanın hərbi-siyasi qalibiyyətinin əsas göstəricisidir. Ümumi götürdükdə cənab prezident vacib məsələ qeyd etdi. Azərbaycan ilə bağlı ciddi məsələ olarsa Türkiyə prezidenti cənab Ərdoğana bildirəcyinə işarə etdi. Azərbaycanın yaxın siyasi, strateji, qardaş Türkiyə ölkə olduğunu bildirdi".

Telegramda izləyin