Ayın 20 günü toyda olanlar - Müğənnilərimiz neçə toya gedir? - SORĞU/FOTO

Son zamanlar toy qiymətləri ilə gündəmdən düşməyən məşhurların bu dəfə hər ay nə qədər məclisdə iştirak etdiyini araşdırdıq. Şou-biznesin bir çox məşhurları arasında apardığımız sorğu zamanı ayın 20 gününü toyda keçirdiyini deyən məşhurlar da oldu, "Toy yoxdur, toylara gedə bilmirəm" deyib fəryad edənlər də, nə qədər toya getdiyini açıqlamaqdan imtina edənlər də...

BAKU.WS məşhurlar arasında aparılan həmin sorğunu oxuculara təqdim edir:

Xalq artisti Röya Ayxan elit məclislərin ən tələbatlı müğənnilərindəndir. Estradamızın sevilən müğənnisini öz xoş günündə görmək istəyənlər kifayət qədərdir. Sənətçi dəvət edildiyi toylarda geyindiyi bahalı və xüsusi libasları ilə xeyli müzakirələr yaradır.
Son zamanlar geyimləri ilə müzakirələrə səbəb olan Xalq artisti Tünzalə Ağayeva ayın 20 günü toya dəvət olunur. Bu barədə sənətçinin prodüseri Yalçın Cabbarov BAKU.WS-ə açıqlamasında bildirib.
Əməkdar artist Elton Hüseynəliyev əsasən toyları bütöv formada idarə edir. BAKU.WS-in məlumatına görə canlı ifaları ilə məclis əhlini feyziyab edən sənətçi ayda 10-15 toyda iştirak edir.
Müğənni Vəfa Şərifova da hər ay 10-15 toya dəvət edilir. Bu barədə sənətçinin meneceri BAKU.WS-ə açıqlamasında deyib.
Müğənni Nüşabə Musayeva saytımıza açıqlamasında hər ay 8-10 toya dəvət olunduğunu bildirib. Bundan əlavə sənətçi hər ay 6-7 qazi toyunda da iştirak edir. İfaçı bu toylara tam təmənnasız qatılır.
Müğənni Elçin Hüseynov dəvət edildiyi toyları bütöv formada idarə edir. Bu səbəbdən hər ay 8-9 məclisdə iştirak edir. Bu barədə sənətçinin meneceri BAKU.WS-ə açıqlamasında bidirib.
Müğənni Mənzurə Musayevanın dəvət olunduğu toy sayı hər ay dəyişir. İfaçının prodüseri BAKU.WS-ə açıqlamasında bildirib ki, sənətçi elə ay olur 1, elə ay da olur ki 3-5 toyda iştirak edir.
Müğənni Manaf Ağayev saytımıza açıqlamasında bildirib ki, hər ay dəvət olunduğu toy sayı dəyişir. Ümumilikdə isə ayda 2-3 toyda iştirak edir. Onu da bildirək ki, ötən il ifaçı qazilərimizdən birinin toyunda tam təmənnasız iştirak edib.
Sorğu ilə bağlı müğənni Üzeyir Mehdizadə ilə də əlaqə saxladıq. Sənətçinin meneceri BAKU.WS-ə açıqlamasında xarici ölkələrdəki konsertlərin çoxluğundan Mehdizadənin toylara getməyə vaxtı olmadığını bildirib.
Mövzu ilə bağlı BAKU.WS-ə açıqlama verən Əməkdar artist Vasif Məhərrəmli toyların olmadığını bildirib. İfaçı sorğuya "Toy yoxdur, toylara gedə bilmirəm" sözləri ilə reaksiya verib.
Apardığımız sorğu zamanı, müğənni Zeynəb Həsəninin toylara getmədiyi bildirilib. Bu barədə ifaçının meneceri saytımıza açıqlamasında deyib.

Telegramda izləyin

instagramda izləyin