"Ermənistan dərhal və qeyri-şərtsiz hərbiçimizi Azərbaycana təhvil verməlidir" - AÇIQLAMA

Xəbər verdiyimiz kimi, Laçında xidməti mövqelər arasında əlverişsiz hava şəraitində istiqaməti itirərək azan Azərbaycan hərbçisi Ruslan Pənahov Ermənistan hərbçiləri tərəfindən saxlanılıb. Bu barədə "Sputnik Ermənistan"a istinadən xəbər verir ki, bu barədə məlumatı ölkənin Milli Təhlükəsizlik Xidməti yayıb. Onun Sünik vilayətinin Tex kəndi ərazisində təqribən 05:15-də saxlanıldığı bildirilib. Hadisə ilə bağlı cinayət işinin başlanıldığı qeyd olunub.

Məsələ ilə bağlı politoloq Tural İsmayılov Sonxeber.az-a açıqlama verib.
Ekspert bildirib ki,Ermənistan dərhal və qeyri-şərtsiz hərbiçimizi Azərbaycana təhvil verməlidir.

"Laçındakı çətin hava şəraitindən belə bir hadisə baş verib. Dəfələrlə Ermənistandan coğrafi relyefin çətinliyinə görə, Azərbaycan tərəfinə keçən erməni hərbiçiləri olub. Amma Azərbahcan heç vaxt Ermənistan kimi manipulyasiya aləti etməyib. Bu gün yolunu azaraq qarşı tərəfə keçən əsgərimiz ilə bağlı Ermənistan mediasında hansısa cinayət işi qaldırılması ilə bağlı dezinformasiya alət edilməsi, Ermənistanın növbəti dəfə terrorçu, işğalçı olduğunu ortaya çıxarır.

Hesab edirəm ki, Ermənistan dərhal və qeyri şərtsiz yolunu azan hərbiçini Azərbaycana təhvil verməlidir. Ümumiyyətlə insanlar, hansısa formada iyrənc siyasi oyunların və manipulyasiya vasitəsinə çevrilməməlidir"

Telegramda izləyin

instagramda izləyin