"Qadın qadını təbrik etməməlidir"

"8 Mart - Beynəlxalq Qadınlar Günündə təbrik gözləmirəm. Amma təbriklər alıram və bu məni sevindirir. Deyim ki, kimdənsə təbrik gözləyirəm, belə bir şey yoxdur. Ola bilər ki, bu kimi məqamlar uşaqlıqda olub".

Axşam.az xəbər verir ki, bu sözləri Əməkdar artist Sevda Ələkbərzadə "Dikdaban" verilişində deyib. Müğənni bayram günü aldığı təbriklərdən danışıb:

"Düşünürəm ki, 8 Mart qadınların bayramıdır. Bu gün isə qadınlar qadınları təbrik etməməlidir. Kişilər qadınları təbrik etməlidir. Amma son zamanlar görürəm ki, nədənsə qadınlar qadınları təbrik edirlər. Təbriki kişilər etməlidir. Bütün bayramları sevirəm. Kaş bayramlar çox olsun. 8 Martda uşaqlar öz analarını təbrik edir. Bu bayramda əsasən rəfiqələr bir-birini zəng edib, təbrik edir. Deyirsən ki, ay bacı sən axı məni niyə təbrik edirsən".

Telegramda izləyin