Yeniyetmələr keçi kimi qoxur - ARAŞDIRMA

Almaniyada aparılan bir araşdırma körpələrin çiçək, yeniyetmələrin isə keçi kimi qoxduğunu üzə çıxarıb.

Publika.az xəbər verir ki, Friedrich Alexander Universiteti Erlangen-Nürnbergdə aparılan araşdırmada üç yaşdan kiçik 18 körpə ilə 18 yeniyetmənin qoxuları incələnib.

Təcrübədə iştirakçılardan qoltuqlarının altına qoyulmuş pambıq lentlərlə bir gecə keçirmələri istənilib.

İştirakçılardan həmçinin təcrübədən 48 saat əvvəl ətirdən istifadəni və soğan və ya sarımsaq yeməyi dayandırmaları istənilib. Elm adamları daha sonra laboratoriyada lentlərdə olan kimyəvi birləşmələri araşdırıblar.

"Communications Chemistry" akademik jurnalında dərc edilən araşdırmada, yeniyetmələrdən alınan nümunələrdə tər qoxusuna bənzəyən küf qoxusu təsbit edilib. Araşdırmada bu, keçi qoxusu kimi olaraq təsvir edilib.

Körpələrdə isə çiçəkli, ətirli və sabunlu qoxuların daha çox önə çıxdığı bildirilib. Hər iki qrupdan olan nümunələrdə ağac qoxusunun olduğu da bildirilib.

Telegramda izləyin