Paşinyan ancaq bu halda SEÇKİLƏRƏ GEDƏ BİLƏR - AÇIQLAMA

Xəbər verdiyimiz kimi, Ermənistan mətbuatında Nikol Paşinyanın istefa verəcəyini və sentyabrda növbədənkənar parlament seçkilərinin keçiriləcəyini yazıb. Daha sonra Ermənistan mətbuatında Nikol Paşinyanın istefası ilə bağlı çıxan yazıların 1 aprel – Gülüş günü ilə əlaqədar "zarafat" olduğu üzə çıxıb. Bəs Paşinyan hansı halda istefaya gedə bilər?

Mövzu ilə bağlı siyasi şərhçi Asif Nərimanlı Sonxeber.az-a açıqlamasında bildirib ki, Ermənistanda növbədənkənar parlament seçkilərinin keçirilməsi məsələsi son aylarda aktual olan məsələlərdir. Bunun üçün Ermənistan mətbuatında müzakirə olunurdu, sonradan hakimiyyət bunu təkzib edib:

"Proseslər fonunda əgər Paşinyan öz siyasi gücünü yeniləmək üçün növbədənkənar parlament seçkilərinə gedə bilər. Burada daha çox iki məqsəd ola bilər. İlk olaraq hakimiyyətdə təhlükə yaranacağı təqdirdə Paşinyan mütləq səs çoxluğu ilə qazanmaq istəyə bilər. Bu təhlükə təkcə Rusiyadan deyil. Rusiyadan gələ biləcək təhlükə açıq təhlükədir. Bu halda növbədənkənar parlament seçkilərinə gedilmir. Mənə elə gəlir ki, Paşinyan Qərbdən təzyiqlər hiss edir. Çünki Qərb Nikol Paşinyanın qarşısına müəyyən hədəflər qoyub. Onların istəkləri var və icra edilməsində müəyyən israrlar edirlər. Əgər Paşinyan bu istəklərin həyata keçirilməsini gecikdirəcəyi təqdirdə Ermənistan hakimiyyətinin daxilində yeni bir fiqur çıxarda bilər. Qərb Paşinyan hakimiyyətini bir növ dəyişdirə bilər. Mövcud sistem qalır, amma ki, fiqur dəyişir. Paşinyan bu halda parlament seçkilərinə gedərək öz gücünü, "mən əsas hakiməm" mesajını Qərbə verə bilər".

Asif Nərimanlının sözlərinə görə, Paşinyanın Ermənistan hakimiyyətində müxalifəti yeniləmək planı var. Mövcud müxalifət dedikdə, burada parlamentdə olan müxalifətdən söhbət gedir:

"Parlament olan müxalifət sonuncu parlament seçkilərində Rusiyaya meyilli olanlar parlamentdə təmsil olundular. Onlar parlamentdə müəyyən narazılıq yaradırlar. Onlar üçün bir növ bu tribunadır. İstisna deyil ki, növbədənkənar parlament seçkilərinə Paşinyan gedərsə, həm də özünə yaxın parlamentə daxil etmək istəyəcək. Edmun Manukyan yaxud digər ona yaxın şəxslər var. Hətta zaman-zaman onun görüşləri baş tutur. Növbədənkənar parlament seçkilərinin əsas hədəflərindən biri bu ola bilər. Hazırkı müxalifəti parlamentdən göndərmək və onların yerinə daha yaxın, konstruktiv hesab etdiyi müxalifəti daxil etmək ola bilər. Paşinyan seçkilərə getmək üçün hələki bir təhlükə görmür. Xüsusən regionun bu qədər gərgin olduğu vaxtda Nikol Paşinyanın seçkilərə getməsi halı azdır. İndiki vaxtda növbədənkənar seçkilərə getmək ölkədə bir növ Paşinyanı Rusiya qarşısında açıq hədəf halına gətirə bilər. Rusiyanın Ermənistan siyasətində müəyyən bir proseslərə yönəltmək imkanlarını artıra bilər. Ən azından insanların küçəyə çıxmasından tutmuş digər məqamlara qədər çox hadisələr baş verə bilər. İndiki halda mitinqlərin keçirilməsini müəyyən qədər qarşısını ala bilirlərsə seçki vaxtı bunu edə bilməyəcəklər. Yaxın zamanda belə seçkilərə getməyəcəyini düşünürəm".

Xatırladaq ki, Ermənistanın baş naziri Nikol Paşinyanın istefa verməsi haqda xəbərlər 1 apel zarafatıdır.

Sevda Səfərova

Telegramda izləyin