Məktəbdə həmcinsinin boğazını kəsən qız şagird: Günah məktəbdədir ya AİLƏDƏ? - AÇIQLAMA

Xəbər verdiyimiz kimi, Bakı Şəhər Nəsimi Rayon T.Həsənov adına 23 saylı orta məktəbdə aşağı sinif şagirdləri arasındakı insident yaşanıb. Şagirdlər arasında yaranan mübahisə onlardan birinin digərinin boğaz nahiyəsinə xəsarət yetirməsi ilə nəticələnib. Son zamanlarda məktəblərdə şagidlr arasında artan insidentlərin baş verməsinin səbəbi nədir? Burada məktəb günahkardır yoxsa valideyn?

Mövzu ilə bağlı təhsil məsələləri üzrə ekspert Elşən Manafov Sonxeber.az-a açıqlamasında bildirib ki, Əfsuslar olsun ki, burada qız uşaqlarının məktəbə bıçaq gətirməsi halı var. Əgər qız uşağı yaxud şagird məktəbə bıçaq gətirirsə, bu aləti evdən gətirir:

"Təbii ki, burada birmənalı şəkildə valideyn nəzarətsizliyi və səhlənkarlığı var. Birmənalı şəkildə bu gün bir çox valideynlərimiz, hansı ki, məktəblərdə baş verən insidentləri törədənlər əsasən onların övladlarıdır. Onlar birmənalı şəkildə övladlarını gündəlik uşaqlarının tərbiyəsi ilə maraqlanmırlar. Bu çox təəsüf edici haldır. Hadisə baş verib. Harada baş verib? Məktəbdə. Burada yenə də məktəbi və müəllimi günahlandıracaqlar. Bu kimi şagirdlərin ailə tərzinə baxsaq o ailələrdə valideynlər sağlam həyat tərzi sürmürlər. Nəticə etibarilə baş verənlər şagirdin tərbiyəsinə təsir edir. Çox təəsüf olsun ki, bu olaylarda qız şagirdlərinin iştirakı gündən-günə artır. Hər dəfə baş verən hadisələrin əksəriyyətində bıçaqlanma, dava hallarına rast gəlirik. Bu baxımdan görürəm ki, bu kimi hallarda məktəbi və müəllimi günahlandırmaq yersizdir. Cəmiyyət olaraq birmənalı başa düşmək lazımdır. Övlad dünyaya gətirmək ayrı anlayışdır. Ata və ana olmaq isə ayrıdır. Aralarında isə fərq çoxdur. Əfsuslar olsun ki, bizdə ailələrdə sözün əsl mənasında ata və ana qıtlığı var. İnsanlar özlərini daha çox bioloji fərd olaraq hiss etməkdədir".

Xatırladaq ki, hazırda agentliyin, eyni zamanda Elm və Təhsil Nazirliyinin Uşaqların Müdafiəsi İdarəsinin əməkdaşları da həmin təhsil müəssisəsindədirlər. Hüquq-mühafizə orqanlarına məlumat verilib, birgə araşdırma aparılır. Araşdırmanın nəticəsi barədə ictimaiyyətə məlumat veriləcək.

Sevda Səfərova

Telegramda izləyin