Toy biznesi xilas ola biləcəkmi? - ARAŞDIRMA

Toy biznesi xilas ola biləcəkmi? - ARAŞDIRMAToy mövsümünə start verilir. Lakin toy biznesi sahəsində mövcud vəziyyət heç də ürəkaçan deyil. Son zamanlar şadlıq saraylarının sürətlə profillərini dəyişdiyini də müşahidə edirik.

Ramazan ayı başa çatır. Bu ayın başa çatması ilə həm də yeni toy mövsümü başlayır. Amma sirr deyil ki, pandemiyadan sonra toy biznesi ciddi böhrandadır. Müşahidələr göstərir ki, xeyli şadlıq sarayları mərasim evlərinə çevrilib, başqa sahələr üzrə icarəyə verilib.

Azərbaycanda toy məclislərinin sayının kəskin şəkildə azaldığını rəsmi statistika da təsdiqləyir. Təkcə son üç ilin statistikasına nəzər salsaq görərik ki, nikaha daxil olanların sayında əhəmiyyətli şəkildə azalma var. Məsələn, ölkədə 2024-cü ilin ilk ayında 3 657 nikah qeydə alınıb. 2023-cü ildə müvafiq olaraq 11 870 nikah bağlanılıb. 2022-ci ilin yanvar-mart aylarında isə 14 606 nikah rəsmiləşdirilib.

Bəs görəsən, toy sənayesi böhrandan çıxa biləcək? Bunun üçün sahibkarlar hansı addımları ata bilərlər? Bu sektora dövlətin hansı dəstəyi ola bilər?

Mövzu ilə bağlı "Kaspi" qəzetinin məqaləsini təqdim edirik.

Xərc yükü yaradan toy ənənəsi

İqtisadçı ekspert Rəşad Həsənovun sözlərinə görə, toy biznesinin böhranda olmasının əsas səbəbi son dövrlərdə nikahların sayının azalmasıdır:

"Eyni zamanda, biz xüsusilə pandemiyadan sonrakı dövrdə gənclərin daha rasional toy məclislərinin təşkilinə üstünlük verdiyini müşahidə edirik. Belə ki, onlar nisbətən daha az dəbdəbəli, əsasən yaxın ətrafları ilə toy etməyə üstünlük verirlər. Nəticə etibarilə, daha çox 2005-ci ildən sonra formalaşan və dəbdəbənin artması ilə müşahidə olunan, artıq xərc yükü yaradan toy ənənəsi mərhələli şəkildə zəifləyəcək".

"İnvestorlar daha effektiv sahələrə yatırım etməlidirlər"

Ekspert hesab edir ki, bu sahədə fəaliyyət göstərən sahibkarlar öz investisiyalarını alternativ istiqamətlərə yönəltməlidirlər:

"Sahibkarlar bu sahədə dəbdəbəni artırmaq istiqamətində investisiyalardan çəkinməlidirlər. Daha optimal sayda tutumu olan sarayların qurulmasına meyilənməlidirlər. Eyni zamanda, infrastrukturu elə dizayn etməlidirlər ki, bu təyinat fərqli istiqamətlərdə də istifadə oluna bilsin. Tutaq ki, həmin obyektlərdən yalnız toy məclisləri üçün deyil, adi günlərdə, kütləvi tədbirlərin, konsertlərin təşkili və sair kimi də istifadə etmək mümkün olsun".

Mütəxəssis dövlətin bu sahəyə dəstəyini vacib saymır. O hesab edir ki, dövlətin dəstək verməli olduğu kifayət qədər sahələr mövcuddur:

"Düzdür, bura da xidmət sektorudur, müəyyən bir dövriyyə yaradır. Amma dövlətin dəstək verməli olduğu kifayət qədər sahələr vardır. Hesab edirəm ki, dövlət daha ağlabatan, ciddi sərmayələri dəstəkləməlidir".

Menyuların tərtibatına yenidən baxmalıdırlar

İqtisadi Resursların Öyrənilməsi Mərkəzinin sədri Ruslan Atakişiyev hesab edir ki, şadlıq sarayları menyuların tərtibatına yenidən baxmalıdırlar. Onun fikrincə, toy sənayesində mövcud olan iqtisadi çətinliklər menyuların qiymətinin baha olması ilə bağlıdır:

"Menyulardan lüzumsuz əlavələr çıxarılmalıdır. Şadlıq sarayları toy sahiblərinə menyu seçimi ilə bağlı şərt qoymamalıdırlar. Atəşfəşanlıq, toya dəvət olunan musiqiçilərlə bağlı da qiymətlərə yenidən baxılmalıdır. Çünki bunlar da çox xərc tələb edən istiqamətlərdir".

R.Atakişiyevin qənaətincə, bu sahəyə dövlət tərəfindən dəstək verilməsi gözlənilmir:

"Çünki bu sektor dövlət üçün strateji sahə sayılmır".

"Kim deyir ki, bu sahədə böhrandır?"

Milli Məclisin İqtisadi siyasət, sənaye və sahibkarlıq komitəsinin üzvü Rüfət Quliyev isə toy sənayesinin böhranda olması fikri ilə razılaşmır. Onun sözlərinə görə, bu gün də şadlıq saraylarında toy etmək üçün aylar öncədən növbəyə yazılmaq lazımdır:

"Kim deyir ki, bu sahədə böhrandır? Təxminən 1-2 ay əvvəl yaxın bir qohumum toyla bağlı şadlıq sarayı axtarırdı. Onlara bildirmişdilər ki, ən yaxşı halda toy tarixini oktyabr, noyabr və dekabr ayına yaza bilərlər. Belə olan halda hansı böhrandan söhbət gedir? Heç bir böhran yoxdur, hamı da işləyir. Sadəcə, məni həm vətəndaş, həm də millət vəkili olaraq toyların dəbdəbəli keçirilməsi narahat edir. Biz bu məsələni bir qədər sadələşdirməliyik. Toy gənclər üçündür, sadə bir ortamda olmalıdır. Amma mən toy xərclərini eşidəndə dəhşətə gəlirəm. Menyular adambaşı təxminən 100 manatdan başlayıb, 500-700 manata kimi dəyişir. Axı bu qədər israfçılıq olmaz".

Bir vaxtlar ayda 20-25 toy, indi isə...

Əvvəllər toy mövsümünü səbirsizliklə gözləyən və yeni mövsümə ciddi şəkildə hazırlıq görən şadlıq saraylarında durğunluqdur. Onlar da bu durğunluğun səbəbinin axtarışındadırlar. Həmsöhbət olduğumuz bəzi şadlıq saraylarının administratorları bildirirlər ki, vəziyyət son iki ildə daha pisləşib. Onların sözlərinə görə, bir vaxtlar ayda 20-25 toy şənliyi təşkil edirdilərsə, indi 4-5 toy tutanda sevinirlər.

Şadlıq saraylarından birindən bildiriblər ki, tələbat əvvəlki illərlə müqayisədə xeyli azalıb:

"Əvvəlki dövrlərlə müqayisədə toy edənlərin sayında ciddi fərq var. Tələbat çox azalıb. Səbəbini özümüz də bilmirik".

Digər şadlıq sarayının administratoru da toyların azlığından gileylənib. Onun sözlərinə görə, toyların sayında təxminən 50 faiz azalma var:

"Qiymətlərimiz də baha deyil. Sadəcə, elə bil ki, toy etmək istəyən yoxdur. Son iki ildə vəziyyət daha da pisləşib".

Daha bir şadlıq sarayından təsdiqləyiblər ki, ötən illərlə müqayisədə toy etmək istəyənlərin sayı ciddi şəkildə azalıb:

"Əvvəllər mövsüm başlayanda bir ayda 12-14 toyumuz olurdu. Amma bu ilin aprel ayına 5-6 toyumuz var. İndi toy edənlər həm də daha yığcam məclislərə üstünlük verirlər. Demək olar ki, artıq 500-600 nəfərlik toy edən yoxdur. İndi müraciətlər 150, maksimum 300 nəfərlik məclislərin təşkili ilə bağlıdır".


Sonxeber.az Telegramda izləyin instagramda izləyin
Maraqlı   Baxılıb: 434   Tarix: 13 aprel 2024  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Bakıda taksidə qızın 3 minlik ilanı əlindən QAÇDI: maşını sökdülər - VİDEO

Sosial şəbəkələrdə yayılan video marağa səbəb olub. xəbər verir ki, gənc qız ilan və tısbağaıarı ilə birgə taksiyə minib. Onun 3 min azn dəyərində olan ilanının əlindən qaçması sürücünün kabusuna çevrilib. Buna görə onun avtomobili sökdürülüb. Uzun axtarışlardan sonra tapılan heyvanın görüntüləri sosia

25 may
.

Arvad ərinin xəyanətini itini baytara aparanda öyrəndi

Amerikada gənc qadın yoldaşının xəyanətini baytarda aşkarlayıb. xarici KİV-ə istinadən xəbər verir ki, qadın itinin narahatlığını müəyyən etmək üçün baytara aparıb. Rentgen müayinəsi zamanı itin mədəsində tıxanıqlıq aşkarlanıb və əməliyyat zamanı qəbizliyin səbəbini müəyyən etmək mümkün olub. Klinikay

25 may
.

Avropanın ən gözəl kəndi AÇIQLANDI

Dünyanın müxtəlif yerlərində gözəl təbiətdən, dənizdən və çimərliklərdən zövq almaq mümkündür. Ancaq elə yerlər var ki, hər kəs oralara aşiq olur. Gedənlər bir daha getmək istəyir, ya da oradan qayıtmaq istəmirlər. xəbər verir ki, bu il isə turistləri özünə aşiq etdirən istirahət zonası Albaniyanın cənub-qərbind

25 may
.

Dünyanın səhər yeməyi ilə məşhur olan 10 ÖLKƏSİ

Səhər yeməyi adamın günə normal və gümrah başlaması üçün mühümdür. Səhər yeməyini yaxşı yeyən adamlar gün ərzində müsbət auralı və yaxşı əhval ruhiyyədə olurlar. Bəzi ölkələrdə səhər yeməyi hətta bir fincan qəhvə qədər məhdud olsa da, dünyanın məşhur və zəngin səhər yeməyi adətlərinin olduğu ölkələ

23 may
.

Pomidorları soyuq su ilə sulamaq olarmı? – Bağbanlar bilməlidir

Bəzi bağbanlar pomidorlarını soyuq su ilə sulayırlar və sonra az məhsula isə təəccüblənirlər. xəbər verir ki, məsələ ilə bağlı aqronom Anastasiya Kovrizhnux danışıb. Onun sözlərinə görə, heç bir halda pomidorları suvarmaq üçün soyuq sudan istifadə edilməməlidir. Pomidor və digər tərəvəz bitkilərini suvarma

19 may
.

Azərbaycanda ilk dəfə bəzi avtomobillər ucuzlaşıb

Avtomobil bazarında son illər ilk dəfə qiymət azalmaları müşahidə olunub. Bu barədə İqtisadi və Sosial İnkişaf Mərkəzindən (CESD) məlumat verilib. Mərkəz tərəfindən keçirilən monitorinqə əsasən, ucuzlaşma əvvəlki dövrdə taksi kimi istifadə edilən bir sıra avtomobillərin kütləvi satışa çıxarılması il

25 may
.

Yazda niyə yorğun hiss edirik?

Havanın bir gün sərin, bir gün isti olması insan orqanizminə də təsir edir. Mütəxəssislər qeyd edirlər ki, yaz yorğunluğu daha çox gərgin stress altında yaşayan və iş qrafiki sıx olan insanlarda müşahidə olunur. Axşam.az xəbər verir ki, bahar yorğunluğunun orqanizmin mövsümi dəyişikliklərə uyğunlaşdığ

22 may
.

Telefonun enerjisini uzun müddət saxlamağın 8 yolu

Müasir smartfonlar funksionallığı ilə heyranedicidir, lakin onların batareyaları tez-tez proqramların intensiv istifadəsi və tez-tez proqram yeniləmələrinin öhdəsindən gələ bilmir və bir çox istifadəçi smartfonunu çox tez, bəzən hətta gündə bir neçə dəfə doldurmalı olur. smartfonların sarjının tez boşalmamas

20 may
.

Azərbaycan bu il Qırğızıstandan 224 tondan çox fındıq alıb

Bu ilin yanvar-mart aylarında Azərbaycan Qırğızıstandan 224,2 ton fındıq idxal edib. "Report" xəbər verir ki, bu barədə Qırğızıstan Milli Statsitika İdarəsi məlumat yayıb. Hesabat dövründə Qırğızıstan ümumilikdə 13,5 min ton fındıq ixrac edib ki, bu da, 2023-cü ilin eyni dövrü ilə müqayisəd

25 may