Şokolad və ondan hazırlanan şirniyyatların qiymətləri bahalaşır - SƏBƏB

Şokolad və ondan hazırlanan şirniyyatların qiymətləri bahalaşır - SƏBƏBBu il iki dəfə bahalaşan kakaonun qiymətində hələ də yüksələn dinamika müşahidə edilir. Kakaonun bir tonunun qiyməti 10 min dolları keçib. Bu bahalaşma nəticəsində 2024-cü il ərzində və gələn il şokoladın qiymətinin də artacağı gözlənilir. 2023-2024-cü il mövsümündə əvvəlki 12 aya nisbətən kakao istehsalında təxminən səkkiz faiz azalma proqnozlaşdırılır. Fil Dişi Sahili və Qanadakı əsas kakao fabrikləri toxum xərclərini ödəyə bilmədiklərinə görə, istehsalı azaltmağa və ya dayandırmağa qərar verdikləri üçün kakao qiymətləri rekord qırır. Kakaonun əsas istifadə olunduğu sahələrdən biri də şokolad istehsalıdır. Bu məhsulla bağlı baş verən proseslər Azərbaycanda şokolad qiymətlərinə nə dərəcədə təsir edə bilər?

"Kaspi" qəzetinin mövzuya həsr olunmuş məqaləsini təqdim edirik:

Xammaldan asılıyıq

İqtisadçı Rauf Qarayev "Kaspi" qəzetinə açıqlamasında bildirdi ki, şokolad istehsal etmək üçün digər ölkələrin xammal məhsuluna ehtiyacımız var: "Bu bitki Azərbaycanda bitmir. Çünki hava və iqlim şəraiti ölkəmizdə kakao bitkisini yetişdirmək və digər ölkələrə ixrac üçün əlverişli deyil. Ona görə də digər ölkələrdən asılı vəziyyətdəyik. Dünya bazarında ən çox kakao istehsal edən, öndə gedən ölkə Fil Dişi, sonrakı sırada isə İndoneziya, Qana, Braziliya, Malayziya və digər ölkələrdir. 2023-cü ildə də bu bitkinin qiymətində bahalaşma müşahidə edilirdi".

Qiymət artımını payızda müşahidə edə bilərik

R.Qarayevin fikrincə, hazırda şokoladların qiymətində artım gözlənilməsə də, gələcək dövr üçün bu, mümkündür: "Bu artım Azərbaycanda şokoladın qiymətinə 10-20 faiz təsir edə bilər. Amma Azərbaycan tək kakaonu almır, həm də satışını həyata keçirir. Hazırda yay fəslinə doğru gedirik. Belə olduğu təqdirdə şokolada olan tələbat da azalır. Bu baxımdan hazırda heç bir təhlükə yoxdur. Amma qiymət artımını payız fəslində müşahidə edə bilərik".

Onlardan heç də geri qalmırıq

İqtisadçının sözlərinə görə, şokolad istehsalında keyfiyyətli hesab oluna biləcək məhsullarımız çoxdur: "Hazırda rəqiblərimiz Rusiya, Türkiyə, Özbəkistan kimi ölkələrdir. Keyfiyyət baxımından onlardan heç də geri qalmırıq. Müasir avadanlıqlar və digər şərait imkan yaradır ki, ölkəmizdə keyfiyyətli şokolad istehsal olunsun. Bu baxımdan digər ölkələrdən asılılığımız da azalır. Amma kakao cəhətdən asılı olduğumuz üçün qiymət artımı daha çox şokolad istehsal edən firmalara təsir göstərə bilər".
Qiyməti formalaşdıran bazardır

Müsahibimiz qeyd etdi ki, bazarda süni qiymət artımları baş verə bilər, lakin buna nəzarət vacibdir: "Qiymətin bahalaşmasının qarşısının alınması üçün daimi monitorinq həyata keçirilməlidir. Çünki qiyməti formalaşdıran bazardır, bəzi hallarda sahibkarlar sui-istifadə hallarına yol verirlər. Sahibkarlar qiyməti qaldırdığı zaman bunu əsaslandıran səbəbləri qeyd etmirlər. Amma monitorinqlər aparılmalı və əsassız şəkildə qiymətləri qaldıran sahibkarlar cəzalandırılmalıdırlar. Bu şəkildə süni qiymət artımının qarşısı alınar".

Tələb və təklif qaydalarına uyğun olaraq...

Qida mütəxəssisi Seymur Qafarovun fikrincə, kakaonun istehsalında problemlər mövcud olduğu üçün şokoladın qiymətində yüksəlmə olması təbii haldır: "Dünyada ən çox bahalaşmaya məruz qalan məhsul kakaodur. Bunun səbəbi dünyada onun təminatçısı olan Afrika ölkələrində istehsal şərtlərinin ağırlaşması, mütəxəssis və işçi heyətinin azalması, torpağın məhsuldarlıq səviyyəsinin pestisidlərin təsiri ilə aşağı düşməsidir. Beləliklə, kakaonun istehsalı da azalır. Tələb və təklif qaydalarına uyğun olaraq az istehsal olunmuş məhsul bazarda bahalaşır".

Tək şokolad bahalaşmayacaq

S.Qafarov bildirdi ki, şokolad və ondan hazırlanan digər şirniyyatların qiymətlərinin də bahalaşması mümkündür. Çünki istehsal müəssisələri xammalı baha qiymətə əldə edir və bu da istehlakçılar üçün ziyandır: "Bu, ictimai iaşə müəssisələri, qənnadı istehsalı sahələrinə də öz mənfi təsirini göstərəcək. Yəni şokoladlı kekslər, bulkalar, bu məhsulun istifadə olunduğu dekorasiyalı tortlar və digər qənnadı məhsullarında - dondurma, kokteyllərin qiyməti də müvafiq olaraq yüksələcək. Həmçinin ölkəmizdə şokolad istehsal edən böyük sahibkarlıq subyektləri və kiçik sexlər şokolad ehtiyaclarının 90 faizdən daha çox həcmini yalnız ölkə xaricindən idxal olunmuş hazır şokolad paxlaları və kakao tozu əsasında ərsəyə gətirir. Onlara bu məhsullar baha başa gələcək. Nəticədə məhsullar istehlakçıya daha yüksək qiymətə gəlib çatacaq. İstehlakçılar bazarda tək şokoladın bahalaşması ilə qarşılaşmayacaq, həmçinin şokolad tərkibli qidaları da baha qiymətə almış olacaqlar. Şokoladın hazırlanmasında isə itki paylarını azaltmaq üçün bu məhsuldan daha diqqətli istifadə olunacaq".


Sonxeber.az Telegramda izləyin instagramda izləyin
Maraqlı   Baxılıb: 445   Tarix: 13 aprel 2024  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Təyyarədə eniş zamanı yatmaq qəti qadağandır – SƏBƏB

İnsanlar tez-tez təyyarədə yatmağa, istirahət etməyə və vaxt keçirməyə çalışırlar. Ancaq uçuş zamanı yatmaq düzgün hesab edilmir. Bunun səbəbini isə az adam bilir. "Best life" portalına istinadən xəbər verir ki, enişlər uçuşun kritik mərhələsidir. Stüardessa Ali Pedrozanın sözlərinə görə, b

20 may
.

Dünyanın ən qorxulu səsi: "ÖLÜM FİTİ"

Alimlər dünyanın ən qorxulu səsini çıxaran qədim musiqi alətini yenidən yaratmağa müvəffəq olublar. Söhbət Azteklərin ölüm fitindən gedir. Müasir texnologiyalar, daha doğrusu 3D çap sayəsində onu çoxaltmaq mümkün olub. xarici KİV-ə istinadən xəbər verir ki, alimlər cihazın soyuq səs çıxardığını iddi

25 may
.

Qətl və işgəncə videolarına maraq artır - Psixiatrdan AÇIQLAMA

Sosial şəbəkələrdəki müşahidələrdən görünür ki, gerçək qətl hadisələrinə, işgəncə kadrlarına baxanların sayı durmadan artır. İnsanlar sosial şəbəkələrdə qarşılaşdıqları bu cür videoları dost tanışları ilə də paylaşmaqdan zövq alırlar. Nəticədə belə görüntülər qısa zamanda yayılır. Bəs, insanlar bu videolar

26 may
.

Selektiv abortlara şərait yaradılır? - Ekspertlərdən AÇIQLAMA

Sosial şəbəkələrdə və apteklərdə hamiləlik zamanı dölün cinsiyyətini müəyyən edən gender testləri satılır. Satıcıların sözlərinə görə, bu testlər hamiləliyin ilk günlərində dölün cinsiyyətini müəyyən etməyə imkan verir Mütəxəssislərin fikrincə, gender testlərinin tətbiqi selektiv abortların artması il

19 may
.

Dünyanın səhər yeməyi ilə məşhur olan 10 ÖLKƏSİ

Səhər yeməyi adamın günə normal və gümrah başlaması üçün mühümdür. Səhər yeməyini yaxşı yeyən adamlar gün ərzində müsbət auralı və yaxşı əhval ruhiyyədə olurlar. Bəzi ölkələrdə səhər yeməyi hətta bir fincan qəhvə qədər məhdud olsa da, dünyanın məşhur və zəngin səhər yeməyi adətlərinin olduğu ölkələ

23 may
.

81 yaşlı milyarder özündən 43 yaş kiçik qadınla gizli nişanlandı

Sərvətinə görə ölkəsində 141-ci yerdə qərarlaşan avstraliyalı milyarder Robert Uayt 38 yaşlı Alessandra Eddi ilə gizli nişanlanıb. xarici KİV-ə istinadən bildirir ki, həm Uayt, həm də Eddi nişanlanmanı gizli saxlayıblar, lakin Avstraliyanın "The Sunday Telegraph" tabloidi bundan xəbər tutub

19 may
.

Cəlilabadda intensiv yağıntılar çiyələyin məhsuldarlığını aşağı salıb

Ölkə ərazisində hökm sürən qeyri-sabit hava şəraiti Cəlilabad rayonunda açıq sahələrdə yetişən çiyələyə mənfi təsir edib. Fermerlərin "Report"un yerli bürosuna verdiyi məlumata görə, yağış yetişmiş məhsulu zədələdiyi üçün çürümə başlayıb. Nəticədə məhsuldarlıq 20 faizə yaxın aşağı düşüb. Həmçini

19 may
.

Süni intellekt ən populyar axtarış sistemini "sındırdı"

"Google"un axtarış sisteminə süni intellektin tətbiqi təhlükəli tendensiya yarada bilər. Belə ki, burada axtarış sorğularına cavablar zamanı səhvlər, sponsorlu reklamlarla yanaşı normaya çevrilir. Məlumata görə, axtarış sisteminə süni intellektin tətbiqi ABŞ-nin texnologiya nəhəngi üçün tənqi

26 may
.

Qəbiristanlığı bəzəyən dəbdəbəli məzar daşları: Bəs dini baxımdan düzgündürmü? - AÇIQLAMA

Son illər paytaxtla yanaşı, bölgələrdə də dəbdəbəli məzar daşlarına rast gəlinir. Xüsusən də, bu kimi hallar şimal bölgəsində və Qubada müşahidə olunur. Bəs bu kimi hallar dini baxımdan düzgündürmü?. Quba şəhər Cümə Məscidinin imamı Seyran Fərəczadə deyir ki, İslam dinində bu kimi hallar qəbuledilməzdir

19 may