Nəvai borca görə axtarışa verildi

Rusiyada məşhurlaşan azərbaycanlı müğənni Nəvai Bəkirov (Navai) axtarışa verilib.

Axşam.az xəbər verir ki, buna səbəb Nəvainin "Scar Trading" MMC şirkətinin 2 milyon rubldan (təxminən 37 min manat) çox borcu olmasıdır. Bu haqda "Shot" teleqram kanalı məlumat yayıb.

Bəkirov iki il əvvəl şirkətin ortaq sahibi olub, lakin sənədlərə görə, demək olar ki, mümkün olan hər şeylə (tikintidən, kitab və içkilərin satışına qədər) məşğul olan şirkətin işi yaxşı getməyib.

Keçən il şirkət 617 min rubl (təxminən 11 min manat) zərər çəkib, əlavə olaraq külli miqdarda borcu da yaranıb. Onların bəziləri inzibati xətalara görə cərimələrdir.

Məsələ ilə bağlı Nəvai bildirib ki, tətilini keçirdiyi Dubaydan qayıdandan dərhal sonra bütün borclarını ödəyəcək.

Telegramda izləyin