Bir əsr öncəki müqavilənin təkmil forması: Şuşa Bəyannaməsi türk dünyasını daha da gücləndirəcək

Bir əsr öncəki müqavilənin təkmil forması: Şuşa Bəyannaməsi türk dünyasını daha da gücləndirəcəkQlobal sistemin transformasiya prosesində olduğu, regional, eləcə də dünya miqyasında böhranların bir-birinin ardınca gəldiyi bir vaxtda Azərbaycan 44 gün davam edən İkinci Qarabağ müharibəsində mühüm qələbə qazandı. Müharibənin ilk günlərindən ölkəmizə dəstək verən qardaş Türkiyə ilə münasibətlər bu qələbədən sonra növbəti mərhələyə qədəm qoydu.

15 may 2021-ci ildə Azərbaycan və Türkiyə liderlərinin imzaladıqları Şuşa Bəyannaməsi iki ölkə arasında hərbi, iqtisadi, mədəni, siyasi, demək olar ki, bütün sahələrdə əməkdaşlığı daha da gücləndirməyi hədəfləyir. Şuşa Bəyannaməsi Azərbaycan və Türkiyə arasında müttəfiqlik münasibətlərini hüquqi çərçivəyə salmaqla yanaşı, regional sülh və sabitlik üçün də əhəmiyyətli bir addımdır desək, yanılmarıq.

Bu bəyannamə ilə iki ölkə arasındakı strateji əlaqələr daha da möhkəmləndi və bölgədəki güc balansında mühüm rol oynamağa başladı. Şuşa Bəyannaməsi ilə Azərbaycan və Türkiyə arasındakı münasibətlər, tarixi və mədəni bağlar daha da dərinləşdi. Şuşa şəhərinin seçilməsi Azərbaycanın mədəniyyət paytaxtı və Qarabağın incisi olaraq bu sənədin əhəmiyyətini daha da artırdı. Bəyannamə, hər iki ölkənin regional və beynəlxalq səviyyədə birgə hərəkət etmə əzmini göstərir və Azərbaycan-Türkiyə münasibətlərinin gələcəkdə də güclənəcəyinə dair əminliyi ifadə edir.

Şuşa Bəyannaməsinin imzalanmasından sonra Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğanın mətbuata birgə bəyanatlarla çıxışlarında bəzi hissələri diqqətinizə çatdırırıq.

Prezident İlham Əliyevin bəyanatı: "İmzalanmış Bəyannamə tarixə əsaslanır. Bəyannamədə xalqlarımızın böyük liderləri, öndərləri Mustafa Kamal Atatürkün və Heydər Əliyevin kəlamları öz əksini tapıb. XX əsrin əvvəllərində Mustafa Kamal Atatürk demişdi: "Azərbaycanın sevinci sevincimiz, kədəri kədərimizdir". XX əsrin sonlarında Heydər Əliyev demişdi: "Türkiyə və Azərbaycan bir millət, iki dövlətdir". Bu tarixi sözlər, kəlamlar bizim fəaliyyətimiz üçün əsas amildir. Biz bu vəsiyyətə sadiqik və XXI əsrdə azad edilmiş Şuşada Müttəfiqlik Bəyannaməsini imzalayarkən əcdadlarımıza sadiqliyimizi nümayiş etdiririk və gələcək nəsillərə yol göstəririk".

Prezident Rəcəb Tayyib Ərdoğanın bəyanatı: "Türkiyə olaraq biz də coğrafi qonşuluq əlaqələrimizi daha dərin əməkdaşlıqlara yönəltmək istəyirik. Ermənistanın ona xoş niyyətlə uzadılan həmrəylik əlini tutmasını, ortaq gələcəyi birlikdə formalaşdırmaq fürsətindən yaxşı istifadə etməsini arzu edirik. Altılı platforma dedik. Bu altılı platformada, bildiyiniz kimi, Rusiya, Türkiyə, Azərbaycan, Ermənistan, Gürcüstan və İran var. Bu altılı platforma ilə birlikdə artıq istəyirik ki, bölgə rahatlıqla, sülh içində yaşanan bir bölgə olsun. Bu addımı atmaq üçün biz qardaşımla birlikdə hər cür fədakarlığa hazırıq. Cənab Putin eyni qaydada bu cür fədakarlığa hazırdır. Bu istiqamətdə atılacaq addımlarla bölgə bir sülh bölgəsinə çevriləcək".

Təbii ki, Türkiyə ilə Azərbaycan arasındakı qardaşlıq Ermənistanın regional siyasətinə də təsir edir. İkinci Qarabağ müharibəsindən sonra yaranmış yeni geosiyasi reallığı indi qəbul etməli olan Ermənistanın baş naziri Nikol Paşinyan və onun administrasiyası vəziyyətin keçmişə qayıtmayacağının çox yaxşı fərqindədirlər. Bu məsələ Paşinyanın son çıxışlarında da özünü göstərir.

Mediaya açıqlama verən Heydər Əliyev Araşdırma Mərkəzinin direktoru professor Burhan Sayılır bildirib ki, Şuşa Bəyannaməsi hər iki dövlətin əməkdaşlığa önəm verdiyini göstəricisidir. O əlavə edib ki, hər iki ölkə uzun müddət ayrı qalsa da, bu uzaqlaşma heç vaxt ürəklərdə olmayıb:

"Azərbaycan və Türkiyə türkləri uzun illər bir yerdə yaşasalar da, bəzi tarixi hadisələr onların müxtəlif dövrlərdə bir-birindən uzaq qalmasına səbəb olub. Bu uzaqlaşma heç vaxt ürəklərdə olmadı, yalnız coğrafiya baxımından oldu. Birinci Dünya müharibəsində Osmanlı imperiyası çox çətin vəziyyətdə olsa da, 1918-ci il sentyabrın 15-də yaradılmış Qafqaz İslam Ordusu Bakının müstəqilliyi üçün əlindən gələni əsirgəmədi. Türkiyə-Azərbaycan əlaqələri Cümhuriyyət dövründə də önəmli məsələ idi. Heydər Əliyev dövründə bu münasibətlər, xüsusən də "iki dövlət, bir millət" anlayışı ilə getdikcə daha da möhkəmləndi".

Təhlükəsizlik üzrə türkiyəli ekspert Mete Yarar Şuşa Bəyannaməsinin əhəmiyyəti barədə açıqlamasında Azərbaycan və Türkiyə arasındakı əlaqələrin möhkəmlənməsində həlledici rol oynadığını qeyd edib. Onun fikrincə, bu bəyannamə iki ölkənin ortaq maraqlarını və regional sabitlik üçün birgə səylərini ifadə edir:

"Şuşa Bəyannaməsi hərbi sahədə əməkdaşlığı daha da dərinləşdirdi və Azərbaycanla Türkiyə arasında müdafiə sənayesi və təhlükəsizlik sahəsində əməkdaşlığın inkişaf etdirilməsini təmin etdi. Bu bəyannamə, hər iki ölkənin müdafiə potensialını artırmaq üçün mühüm bir addımdır. Bu sənəd həm də Cənubi Qafqazda və daha geniş bölgədə sabitliyin və sülhün təmin edilməsi baxımından mühüm əhəmiyyətə malikdir. Şuşa Bəyannaməsi həm də regional aktorlar üçün önəmli bir mesajdır".

"Azərbaycanla Türkiyə arasında münasibətlərin bu qədər inkişaf etməsi təkcə iki dövlət arasındakı tarixi-mənəvi bağlarla əlaqəli deyil, eyni zamanda, iki ölkə rəhbəri İlham Əliyevlə Rəcəb Tayyib Ərdoğan arasındakı şəxsi dostluq əlaqələri ilə də bağlıdır".

Bunu siyasi şərhçi Tural İsmayılov açıqlamasında bildirib. O vurğulayıb ki, Azərbaycanla Türkiyə arasında uzun illərdir pillə-pillə inkişaf edən dostluq, qardaşlıq və strateji müttəfiqlik bu gün ən üst səviyyədədir:

"İşğaldan azad olunan Şuşa şəhərinə rəsmi səviyyədə səfər edən ilk xarici dövlət rəhbərinin Rəcəb Tayyib Ərdoğan olmasının həm Azərbaycan, həm də Türkiyə üçün böyük mənəvi əhəmiyyəti var. Çünki Qarabağın, eləcə də Azərbaycanın mədəniyyət paytaxtı olan Şuşanın işğaldan azad olunmasını Türkiyə cəmiyyəti də böyük həyəcanla gözləyirdi. Bu baxımdan deyə bilərəm ki, Şuşa Azərbaycana olduğu qədər, Türkiyə üçün də böyük mənəvi əhəmiyyəti olan şəhərdir. Şuşa türk dünyası üçün böyük mədəni mirasa sahibdir və gələcəkdə Şuşada türk dünyasını əlaqələndirən siyasi-iqtisadi tədbirlərlə yanaşı, mədəni tədbirlərin də keçiriləcəyinin anonsu verilib. Bu baxımdan, Türkiyənin Şuşa şəhərində Baş konsulluq açmaq qərarı böyük əhəmiyyət kəsb edir. Şuşada imzalanan Bəyannamə 20-ci əsrin əvvəllərində imzalanmış Qars müqaviləsinin yeni və daha inkişaf etmiş, təkmil formasıdır. Bundan sonra Naxçıvan Muxtar Respublikasında olduğu kimi, Qarabağın təhlükəsizliyi də birbaşa Türkiyənin təminatı altındadır. Xüsusən hərbi sahədə birgə əməkdaşlıq, eyni zamanda, tərəflərdən hansısa birinin ərazisinə hərbi təcavüz olarsa, digər tərəfin yardımının rəsmiləşdirilməsi, düşünürəm ki, Azərbaycanla Türkiyə arasında artıq uzun illərdir pillə-pillə inkişaf edən dostluq, qardaşlıq və strateji müttəfiqliyin ən üst səviyyəsidir".

Sonda isə deyə bilərik ki, türk dünyası üçün Şuşa Bəyannaməsi məzmunu və bu sahədəki təcrübələri baxımından mühüm motivasiya və ilham mənbəyidir. Bu baxımdan, Türkiyə-Azərbaycan münasibətlərində Şuşa Bəyannaməsinə uyğun irəliləyiş gələcək dövrdə Türk Dövlətləri Təşkilatı çərçivəsində və üzv ölkələr arasında əməkdaşlıq üçün presedent yaratmaq potensialına malikdir.


Sonxeber.az Telegramda izləyin instagramda izləyin
Siyasət   Baxılıb: 377   Tarix: 15 iyun 2024  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Rusiya Dumasında pedofillər üçün edam cəzası müzakirə olunur

Rusiyada pedofillər üçün edam cəzasının geri qaytarılması zəruridir. Bu təklifi deputat, Rusiya Dövlət Dumasının Dövlət Tikintisi və Qanunvericilik Komitəsi sədrinin birinci müavini Mixail Yemelyanov irəli sürüb. Yemelyanov Kiselyovskda əvvəllər cinsi təcavüzə görə məhkum edilmiş şəxs tərəfindən on yaşl

8 sentyabr 2021
.

"Vətəndaş cəmiyyətində nə iqtidar, nə də müxalifət olmur" - AÇIQLAMA

İstiqamət: vətəndaş cəmiyyəti, hüquqi dövlət quruculuğu. "Vətəndaş cəmiyyəti" ifadəsi 18-ci əsrdə yaranıb. "Vətəndaş cəmiyyəti" deyəndə Azərbaycanda tək QHT-lər başa düşülür. Vətəndaş cəmiyyəti həm özəl, həm də dövlət strukturundan kənarda olan, əsas da insan hüquq və azadlıqların

3 sentyabr 2021
.

G7 ölkələrinin XİN rəhbərləri gələn həftə Əfqanıstanı müzakirə edəcəklər

"G7" ölkələrinin xarici işlər nazirləri gələn həftə Əfqanıstandakı vəziyyəti müzakirə edəcəklər. TASS-a istinadən xəbər verir ki, bu barədə Yaponiyanın xarici işlər naziri Toshimitsu Motegi bildirib. "Əfqanıstandakı vəziyyəti müzakirə etmək üçün "G7" gələn həftə xarici işlə

5 sentyabr 2021
.

Azərbaycan yeni anti-terror əməliyyatı həyata keçirə bilərmi? - AÇIQLAMA

Xəbər verdiyimiz kimi, ötən gün Şuşa istiqamətində ermənilərin həyata keçirdiyi təxribat, onların itki verib, geri çəkilməsi ilə yekunlaşdı. Həmin hadisədən sonra Azərbaycan dövlətinin Şuşa və ətraf bölgələrdə yerləşən qanunsuz erməni silahlı birləşmələri üzərində anti-terror əməliyyatı aparması məsələs

4 sentyabr 2021
.

Rüstəm Muradov nə ilə yadda qaldı? - Deputatdan AÇIQLAMA

Xəbər verdiyimiz kimi, ötən gün Azərbaycanın Qarabağ bölgəsində müvəqqəti yerləşən Rusiya sülhməramlı qüvvələrinin komandanı olan general-leytenant Rüstəm Muradov xidməti vəzifəsini başa çatdırdı. Hələ may ayından söyləntilər gəzirdi ki, onun yerinə general-mayor Aleksey Avdeyev gətiriləcək. Lakin a

7 sentyabr 2021
.

Bakıda Azərbaycan, Türkiyə və Pakistan xüsusi təyinatlılarının təlimləri başladı

Bu gündən Bakıda ilk dəfə olaraq Azərbaycan, Türkiyə və Pakistanın xüsusi təyinatlı qüvvələrinin "Üç Qardaş - 2021" birgə beynəlxalq təlimi keçiriləcək. Bu barədə Müdafiə Nazirliyindən -a məlumat verilib. Birgə təlimin əsas məqsədi döyüş əməliyyatlarının aparılması zamanı dost və tərəfdaş ölkələri

12 sentyabr 2021
.

Azərbaycan Qarabağa gedən İran maşınlarını yoxlamağa başladı - FOTO

Azərbaycan Daxili İşlər Nazirliyinin əməkdaşları, ikinci Qarabağ müharibəsində azad edilən Azərbaycan ərazisindən keçən Gorus-Qafan dövlətlərarası yoldan keçən İran dövlət qeydiyyat nişanlı yük maşınlarının sürücülərinin və yüklərinin sənədlərini yoxlamağa başlayıb. xəbər verir ki, bu barədə Ermənista

12 sentyabr 2021
.

Laçın təlimləri anti-terror əməliyyatlarının başlanğıcıdır? - AÇIQLAMA

Xəbər verdiyimiz kimi, ötən gün Laçın rayonunda Azərbaycan Respublikası ilə Türkiyə Respublikası arasında bağlanmış hərbi sahədə əməkdaşlıq haqqında sazişə əsasən, Laçın rayonunda birgə döyüş atışlı taktiki təlim başlayıb. Azərbaycan və Türkiyə hərbçilərinin iştirakı ilə keçirilən təlimdə əsas məqsə

7 sentyabr 2021
.

Azərbaycan Gorus-Qafan yolunda post qurub - DİN-dən AÇIQLAMA

Azərbaycan polisi Qubadlı rayonunun inzibati ərazisində də nazarət-keçid məntəqəsi quraşdırıb. Bu barədə görüntülər sosial şəbəkədə yayılıb. Bildirilib ki, məntəqə Goruş-Qafan yolunda quraşdırılıb. Məsələ barədə Daxili İşlər Nazirliyi (DİN) ilə əlaqə saxladıq. DİN-in Mətbuat Xidmətinin Bərdə regiona

11 sentyabr 2021