Məzun gecəsində valideynlər Rusiya himni çalınanda ayağa qalxmadı...-VİDEO

Telegram-kanallarda Rusiyanın Kabarda-Balkar respublikasının paytaxtı Nalçikdəki orta aməktəblərdən birində doqquzuncu siniflərin məzun gecəsindən bir video görüntülənib. Videoda akt zalında Rusiya himni səsləndirilərkən bir neçə valideynin ayağa qalxmadıqları görünür.

Moderator.az bu haqda "Meduza" nəşrinə istinadla məlumat yayıb.

Həmçinin bu videonu iyulun 5-də Rusiya Dövlət Dumasının müdafiə komitəsinin rəhbəri Andrey Kartapolov dərc edib və o yazıb ki, Nalçikdəki 33 nömrəli orta məktəbdə Rusiya himninə "nümayişkaranə hörmətsizlik münasibəti" "aşkar edilib. " Bununla əlaqədar, Kartapolovun dediyi kimi, o, "müvafiq orqanlara" sorğu göndərib.

Ertəsi gün həmin videonu dərc edən "Mash Gor" teleqram-kanalı yazıb ki, Nalçikdəki 33 nömrəli məktəbdə buraxılış mərasimində 9-cu sinif şagirdlərinin səkkiz valideyni Rusiya himni səsləndirilərkən ayağa qalxmaqdan imtina ediblər. Onların arasında, "Maş Qor"un sözlərinə görə, "RusGidro"nun yerli filialının departament rəhbəri, Rusiya cüdo komandasının baş məşqçisinin və respublikada böyük bir tiknti şirkəti rəhbərinin həyat yoldaşları və bir neçə çoxuşaqlı analar olub.

Himn çalınanda "onların uşaqları qulaqlarını əlləri ilə örtüblər" deyə telegram-kanal yazıb. Onun məlumatına görə, valideynlərə qarşı Rusiya himninin rəsmi istifadə qaydasını pozduqlarına görə protokollar tərtib edilib (maddənin adı mesajda göstərilməyib).

"RusGidro"-nun Kabardin-Balkar filialı "Podyom" telegram- kanalına onların əməkdaşının valideynlər arasında olduğunu təsdiqləyib və bildirib ki, o, "şirkəti biabır edib və 70 minlik energetika işçiləri komandasını təhqir edib". "RusGidro", əməkdaşın "cəmiyyət və komanda qarşısında" üzr istəməsini gözləyir", - deyə şirkət əlavə edib.

İyulun 7-də Kartapolov Nalçikdən olan məktəblilərin valideynlərinin cərimələnəcəyi xəbərini yenidən dərc edib və yazıb: "Müraciətlərimizə dərhal cavab verdilər, təşəkkür edirəm".

Kabardin-Balkar respublikası Təhsil Nazirliyinin departamentinin aparıcı mütəxəssisi Bella Balova da öz növbəsində "TASS"-a bildirib ki, himn oxunarkən ayağa qalxmayan böyüklərin kimliyi müəyyən edilib...

"Vəziyyət hüquq-mühafizə orqanları tərəfindən araşdırılır, bundan sonra valideynlərə qarşı mövcud qanunvericilik çərçivəsində tədbirlər görüləcək", - deyə Balova bildirib. Onun sözlərinə görə, hadisə iyunun 29-da baş verib, lakin həmin an zalda uşaqlar olmayıb, yalnız valideynlər olub...

Telegramda izləyin