Nurayın atası ilə xalasını Xoşqədəm barışdırıb...FOTOFAKT

Yetkinlik yaşına çatmayan Nuray Bayramzadənin atası ilə xalasını aparıcı Xoşqədəm Baxşəliyeva barışdırıb.

Sonxeber.az bildirir ki, aparıcı bu barədə özü bildirib:

"Nuray üçün danışıqlar gedir. Bu fotoya baxın nece bulanıqdır, bax Nurayın heyatı da on ildir bu formada olub. Nuray üçün hər iki tərəf bir araya gəldi və barışdılar. Nuray xalasının yanında qalacaq, ataya qızıyla görüşə icazə veriləcək. Ümid edirəm ki, hər iki tərəf bizə verdiyı sözü tutacaq. Nuray üçün, on yaşlı balaca qızcıgaz üçün bu barışıq çoxdan olmalıydı".

Xatırladaq ki, sosial şəbəkələrdə Quba rayon icra şöbəsinin icra məmurları tərəfindən ötən ilin dekabrın 7-də yetkinlik yaşına çatmayan N.Bayramzadənin xalasından alınaraq atası Əvəz Bayramova verilməsi barədə məhkəmə qətnaməsinin icrası prosesində icra məmurlarının azyaşlıya zor tətbiq etməsi ilə bağlı videogörüntü yayılıb. Videogörüntü böyük qalmaqala səbəb olub.

Telegramda izləyin

instagramda izləyin