61 yaşlı Hollivud ulduzu 28 yaşlı modellə sevgilidir - FOTO

Sabiq həyat yoldaşı Amber Hördlə məhkəmə çəkişməsi ilə gündəmə gələn dünya şöhrətli ABŞ aktyoru Conni Depp 28 yaşlı rusiyalı modellə sevgilidir.

Ölkə.Az xəbər verir ki, bu barədə "Daily mail" yazıb.

61yaşlı Hollivud ulduzunun rus model Yuliya Vlasova ilə eşq yaşadığı bildirilir.
Y.Vlasova həm də gözəllik üzrə mütəxəssisdir. Deppə yaxın mənbələr hələlik cütlüyün münasibətinin ciddi olmadığını və son 2 ildə bir-birlərini hərdənbir gördüklərini deyib.
2021-ci ildə tanış olan cütlük ötən həftə Londonda Heliportdan ayrılarkən birlikdə görüntülənib.

Onların Praqada beynəlxalq film festivalında tanış olduğu da məlumatlar arasındadır. İkilin birlikdə çəkilən fotosu da sosial şəbəkələrdə paylaşılıb. Model ən sevdiyi aktyorun kim olması sualına verdiyi "Conni Depp" cavabı ilə də diqqət çəkib.

Qeyd edək ki, C.Depp həmkarı olan A.Hörd ilə qalmaqallı şəkildə ayrılıb. Məhkəmədə uduzan aktrisa keçmiş ərinə 1 milyon dollar təzminat ödəyib.

Telegramda izləyin