Ölümcül xəstəlikdən xilas oldu

Hindistanda yeniyetmə dünyada beyin yeyən amöb ilə xəstələnən, lakin sağ qalmağı bacaran nadir insanlardan birinə çevrilib.

"Naegleria fowleri" adlı amöb burundan beyinə keçərək, birincili amöb meningoensefalit (PAM) adlı ölümcül infeksiyaya səbəb olur.

PAM-a yoluxmuş insanların 97 faizi ölür.

Əfnanın iyun ayında Hindistanın cənub-qərbindəki Kerala əyalətindəki göldə çimdikdən sonra bədəninə daxil olan su nəticəsində infeksiyaya yoluxduğu güman edilir.

Sonxeber.az xarici mediaya istinadən xəbər verir ki, ABŞ Xəstəliklərə Nəzarət və Qarşısının Alınması Mərkəzləri (CDC) sözügedən xəstəliyə yoluxanlar ilə bağlı məlumat yayıb. Verilən məlumata görə, 1971-2023-cü illər arasında Avstraliya, ABŞ, Meksika və Pakistanda xəstəliyə yoluxan yalnız 8 nəfər sağ qalıb.

Bütün bu hallarda xəstəlik simptomlar görünəndən 9 saat və 5 gün sonra müəyyən edilir.

Diaqnoz və müalicənin vaxtı bu xəstəliklə mübarizədə mühüm rol oynayır.

Xəstəliyin bəzi əlamətləri bunlardır; baş ağrısı, qızdırma, ürəkbulanma, qusma, boyun sərtliyi, oriyentasiyanın pozulması, tarazlığın itirilməsi, qıcolmalar.

Əfnanın simptomları evinin yaxınlığındakı göldə çimməyə getdikdən 5 gün sonra ortaya çıxıb. Tutma və şiddətli başağrıları başlayan gənci ailəsi həkimə aparsa da, heç bir irəliləyiş olmayıb.

Xoşbəxtlikdən onun atası, 46 yaşlı südçü M.K.Siddiqinin sosial şəbəkədə oxuduğu bir yazı yadına düşüb və oğlu Əfnanın simptomları ilə beyin yeyən amöb arasında əlaqə yarada bilib.

Doktor Rauf Keralada işlədiyi xəstəxanada iki nəfərin bu xəstəlik nəticəsində ölməsindən sonra amöbün ictimai sağlamlıq problemi olduğunu hökumətə çatdırdıqlarını və daha sonra maarifləndirmə kampaniyasına başlanıldığını söyləyib.

Həkimlər Əfnanın onurğa-beyin mayesində amöb diaqnozu qoyub və uşağın onurğasına bəzi mikrob öldürücü dərmanlar yeridiblər.

Əfnana əyalət hökumətinin Almaniyadan ixrac etdiyi və amöb infeksiyalarının müalicəsində istifadə edilən Miltefozin dərmanı da verilib.

Doktor Rauf izah edib ki, "Hindistanda bu dərman nadir xəstəliklər üçün istifadə olunur və çox baha başa gəlir. Əfnan tutması nəticəsində ilk gün huşunu itirmişdi, lakin üç gün ərzində onun vəziyyətində yaxşılaşma müşahidə etdik. "

Bir həftə sonra təkrar edilən testlər amöbün artıq Əfnanın bədənində olmadığını göstərib.

Ancaq uşaqdan daha bir ay dərmanları qəbul etməsi istənilib.

Bu təcrübə də Əfnanda böyük təəssürat yaradıb.

Müalicəsindən sonra məktəbə qayıtmağı hədəfləyən Əfnan xəstəxanadakı təcrübəsindən ilhamlanaraq tibb bacısı təhsili almağa qərar verdiyini bildirib.

Telegramda izləyin