Alimlər aspirinin hamilələr üçün faydasını tapıblar

Aşağı dozada aspirin qəbulu hamiləlikdə preeklampsiyanın (hamiləliyin 20-ci həftəsindən sonra inkişaf edən, arterial təzyiqin yüksəlməsi və sidikdə zülalın görünməsi ilə xarakterizə olunan hamiləlik ağırlaşması - red.) qarşısını almağa kömək edə bilər.

Oxu.Az bu barədə "NBC News" telekanalına istinadən xəbər verir.

Qeyd olunub ki, bu fakt aşkar edildikdən sonra, Qərbdəki xəstəxanalar bütün hamilə qadınlara bu ağır fəsadın qarşısını almaq üçün az miqdarda aspirin qəbul etməyi məsləhət görməyə başlayıblar.

Hazırda ABŞ-də hamiləliklərin 4%-i preeklampsiya ilə müşahidə olunur. Aspirin qəbulu onun inkişaf riskini 15%, vaxtından əvvəl doğuş ehtimalını isə 20% azaldır. Həmçinin, bu, körpələrin sağ qalma nisbətini əhəmiyyətli dərəcədə artırır.

Telegramda izləyin