Birce Akalay və Hakan Kurtaş evlənir?

Sonuncu dəfə "Məzarlıq" serialının ikinci mövsümündə kamera qarşısına keçən Birce Akalay, yer aldığı layihələrlə yanaşı, şəxsi həyatı ilə də gündəmdən düşmür.

Sonxeber.az türk mediasına istinadən xəbər verir ki, bir müddətdir aktyor Hakan Kurtaşla sevgili olan Birce Akalayın tezliklə evlənəcəyi iddia edilib.

"Aramızda qalmasın" verilişinin xəbərinə görə, tədbirə qatılan Hakan Kurtaş "Birce Akalaya evlilik təklifi etdiyiniz və oktyabrda evlənəcəyiniz doğrudurmu?" sualına cavab verib.

Məşhur aktyor "Bir-birini sevmək çox gözəl, çox bənzərsiz bir şeydir. Evlilik kimi dəyərli məsələ burda danışılmayacaq qədər əhəmiyyətlidir" deyib.

Kurtaş "Ona görə də bu baş verəndə sizə məlumat veriləcək. Amma hazırda belə bir şey yoxdur. Heç bir təklif edilməyib. Hazırda bir-birimizi sevməkdən zövq alırıq" , - deyə davam edib.

Telegramda izləyin