Tibbi sığortanın işsizlərə aid edilmə müddəti artırılacaq? – AÇIQLAMA

İcbari Tibbi Sığorta üzrə Dövlət Agentliyi tərəfindən hazırlanmış "Tibbi sığorta haqqında" Azərbaycan Respublikasının Qanununda dəyişiklik edilməsi barədə" qanun layihəsinə əsasən heç bir yerdə əmək və ya mülki müqavilə əsasında işləməyən, eləcə də sahibkarlıq fəaliyyəti ilə məşğul olmayan şəxslər 2025-ci ilədək icbari tibbi sığortanın xidmətlərindən ödənişsiz istifadə edə biləcəklər. Həmin şəxslərin icbari tibbi sığorta haqlarını dövlət ödəyir. Qeyd edək ki, Prezident İlham Əliyev "2025-ci il dövlət büdcəsi haqqında" qanun layihəsini Milli Məclisin müzakirəsinə təqdim edib. Bu barədə Maliyyə Nazirliyindən bildirilib. Layihəyə əsasən, gələn il Azərbaycanın dövlət büdcəsinin gəlirlərinin 36 milyard 616 milyon manat, xərclərinin isə 39 milyard 667,6 milyon manat olacağı gözlənilir.

Bəs görəsən 2025-ci ilin dövlət büdcəsində tibbi sığortanın işsizlərə də aid edilmə müddətinin artırılması nəzərdə tutulubmu?

Mövzu ilə bağlı Sonxeber.az – a açıqlama verən sosioloq Lalə Mehralı bildirib ki, bu qaçılmazdır:

"Əslində tibbi sığorta ilə bağlı bizim təcrübəmiz çox az olduğuna görə bu sahədə dəyişikliklər qaçınılmazdır. Çünki burdakı ehtiyaclarla bağlı məlumat azdır. Əhalinin tələbatı hansı tibbi xidmətə daha çoxdur, hansılar daha vacibdir və.s kimi məsələlər təkrar müzakirə olunmalıdır. İşsizlərin, tibbi sığorta müqaviləsi olmayanların bu xidmətlərdən yararlanması imkanları düşünülüb müzakirə edilməlidir. O şəxslər üçün də xüsusi imtiyazlar olmalıdır. Həmçinin günəmuzd işləyən vətəndaşlar üçün də tibbi sığrta vacibdir. Onlar da işləyən zaman hər. Heç kim xəstəlikdən sığortalanmayb. Bu səbəbdən düşünürəm ki, günəmuzd işləyənlərin də tibbi sığortadan yararlanması məsələsi xüsusilə müzakirə edilməlidir".

Tibbi sığorta çərçivəsində hansı dəyişikliklər gözlənilir?

"Tibbi sığorta çərçivəsində abortların qarşısının alınması üçün tədbirlər planı həyata keçirilməlidir. Qadınlar tibbi sığorta çərçivəsində ildə bir və ya iki dəfə hamiləlikdən qorunma vasitələri ilə təmin edilə bilər. Bu uşaqlıq daxili spirallar, implantlar, hamiləlikdən qorunmaq üçün xüsusi iynələr ola bilər. Hesab edirəm ki, tibbi sığorta paketinə hamiləlikdən qorunma vasitələrinin də daxil edilməsi məsələsi müzakirə edilməlidir.

Ölkəmizdə stamotolji xidmətlər sığortaya daxil deyil. Biz bununla bağlı ciddi problemlər yaşayırıq. Xüsusilə də uşaqların stamotolji yardım ala bilməsi üçün bu tibbi sığortaya daxil olmalıdır. Yeni diş çıxaranlar, dişlə bağlı ciddi problemi olanlar, breketə ehtiyacı olanlar daha çox uşaqlar olur. Buna görə də məncə uşaqların tibbi sığorta paketinə stamotoloji xidmətlər salınmalıdır. Ən azından 18 yaşa qədər vətəndaşların tibbi sığorta çərçivəsində bu xidmətdən yararlanma imkanı olmalıdır".

Çiçək Sadatova

Telegramda izləyin