Məşhur televiziya kanalında 155 nəfər birdən işdən çıxarıldı

Məşhur televiziya kanalı pula qənaət etmək üçün 25-i texniki heyət olmaqla 155 nəfəri işdən çıxarıb.

Sonxeber.az xarici mediaya istinadən xəbər verir ki, Britaniyanın ictimai yayımçısı BBC, illik qənaət hədəfi olan 700 milyon funt-sterlinqə uyğun olaraq, 150-dən çox işçini işdən çıxardığını və 27 illik məşhur "Hard Talk" proqramının yayınına son qoydu. BBC-nin açıqlamasına görə, 24 milyon funt-sterlinqə qənaət etmək üçün 25-i texniki heyət olmaqla 155 nəfər işdən çıxarılıb.

Bu dəyişikliklər BBC-nin xəbər büdcəsinin 4 faizinə təsir edəcək . "Hard Talk"dan başqa BBC Radio 5-də gecə proqramının istehsalı yerli və milli radio işçilərinə təhvil verilib.

Bundan əlavə, BBC müxtəlif ölkələrdə işçilərinin sayını artırmaq qərarına gəlib. Sidneydə yeni vəzifələr açılacağı bildirilsə də, Londonda bəzi vəzifələr ixtisar olunacaq. BBC News-un baş direktoru Deborah Turness bu qənaət addımlarına baxmayaraq BBC-nin rəqabət qabiliyyətini qoruyacağını vurğuladı.

Vüsalə İbrahimli

Telegramda izləyin