Qarabağın həllinə görə Donald Trampa böyük mükafat
"Washington Times" -da Dağlıq Qarabağ münaqişəsi ilə bağlı sensassion məqalə dərc olunub
ABŞ prezidenti Donald Tramp Dağlıq Qarabağ münaqişəsinin həllinə görə dünyanın ən prestijli Nobel Sülh mükafatına layiq görülə bilər.
Barədə ABŞ-ın Caspian Group Holdings-in baş direktoru Rob Sobhani Washington Times qəzetində dərc olunan müəllif yazısında qeyd edir.
Müəllifin yazdığına görə, dünyanın həlli ən çətin olan münaqişələrdən biri Dağlıq Qarabağ məsələsinin nizamlanması üçün Tramp ustalığından istifadə edərək münaqişə ilə bağlı razılaşmalara nail ola bilər.
Tramp və onun komandasının Dağlıq Qarabağ münaqişəsinin həlli üzrə atacağı addımlar Rusiya prezidenti Vladimir Putinin münaqişələrin həlli üzrə dünya arenasında Birləşmiş Ştatlarla tərəfdaşlıq edib-etməyəcəyi barədə dəqiq məlumat verəcək.
Müəllifin fikrincə, Rusiya prezidenti əlində olan rıçaqlara görə münaqişənin həllində açar rolunu oynayır və bunun köməyi ilə Ermənistanı idarə edə bilir. Moskva hesab edir ki, Ermənistanın zəngin enerji resurslarını şəxsi aviadaşıyıcı gəmisi hesab edir.
Birləşmiş Ştatlar Rusiya və Fransa ilə birlikdə Dağlıq Qarabağ münaqişəsinin həlli istiqamətində çalışan ATƏT-in Misnk qrupunun həmsədrlərindən biridir. Təəssüf ki, Vaşinqton aparıcı rolu öz üzərinə götürmək üçün Yaxın Şərq regionundakı vəziyyyətlə məşğul idi. Lakin indi Tramp Dağlıq Qarabağ münaqişəsinin davamlı həllinin tapılması istiqamətində nəticələr əldə edilməsi üçün Azərbaycan və Ermənistan arasında sülhü təmin edə bilər", - Rob Sobhani məqaləsində qeyd edir.
Donald Trampın bu uğurunun bütün dünya üçün siqnal olacağını vurğulayan müəllif bildirir ki, bununla ABŞ yenidən qlobal stabilliyi dəstək verən ölkə kimi tanınacaq.
"Qeyd etmək lazımdır ki, ABŞ prezidenti Yaxın Şərq regionunda Azərbaycan Prezidenti İlham Əliyevdən daha etibarlı və inanılan tərəfdaş tapa bilməyəcək", - deyə Sobhani yazır.
Onun sözlərinə görə, Donald Trampın qarşısında duran əsas vəzifələrdən biri Vladimir Putini sülh razılaşmasının əldə olunması üçün Azərbaycanın işğal olunmuş torpaqlarından Erməni silahlı qüvvələrinin dərhal və qeyd-şərtsiz çıxarılmasına inandırmaqdır.
"İkincisi, bunun əvəzində Azərbaycan qaz kəmərlərinin Ermənistandan Avropaya keçməsinə razılıq verə bilər. Üçüncüsü, münaqişə tərəfləri Dağlıq Qarabağa yüksək statuslu müxtariyyətin verilməsi razılığına gəlməlidir. ABŞ, Rusiya və Fransa sülhməramlıları Dağlıq Qarabağa yerləşdiriləcək. Dördüncüsü, sülhə əlaqədar iki ölkə arasında infrastruktur layihələrini maliyyələşdirmək üçün yaradılmış fondun sayəsində məsələn, Bakıdan Ermənistandan keçərək Naxşıvana qatar reysini açıla bilər", - deyə müəllif yazır.
Qeyd edək ki, Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb.
1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib.
Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.
Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏT-in Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, Polşa, Almaniya, Türkiyə, Belarus, Finlandiya və İsveçdir.
1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.
Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri mövcuddur.
Mənbə: istipress
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş