5 mərtəbəli binada partlayış baş verib - VİDEO

Çorumun Osmancık küçəsindəki binada təbii qazdan qaynaqlandığı ehtimal edilən partlayışın ardından bölgəyə çoxlu xilasetmə, sağlamlıq və polis qrupları sövq edilib.

Sonxeber.az xarici mediaya istinadən xəbər verir ki, hadisə nəticəsində 1 nəfər ölüb, 33 nəfər yaralanıb. Partlayış nəticəsində binaya ciddi ziyan dəyib, çoxlu sayda ev, iş yeri və nəqliyyat vasitələrinə ziyan dəyib.

Bundan əlavə, ətrafdakı binalar təxliyyə edilib, bəzi vətəndaşlar yanğından xilasetmə pilləkənləri vasitəsilə evlərindən çıxarılıb. Küçə nəqliyyatın hərəkətinə bağlanıb və ərazidə təhlükəsizlik kordonu yaradılıb.

Qubernator Əli Çalqan bildirib ki, ilkin məlumatlara görə, 5 mərtəbəli binanın üçüncü mərtəbəsində təbii qaz partlayışı baş verib. Çalqan, "Hadisədə bir vətəndaşımız həyatını itirdi. Çox sayda vətəndaşımız yaralandı. Yaralılar bölgədəki səhiyyə müəssisələrinə sövq edildi. Bölgədəki qrupların işləri davam edir" - dedi.

Partlayış anının təhlükəsizlik kamerası görüntüləri də əldə edilib. Qarşıdakı mənzildə yerləşən mağazanın təhlükəsizlik kamerasına düşən görüntülərdə partlayışın təsirindən şüşələrin qırılaraq küçəyə töküldüyü anları əks olunub.

Vüsalə İbrahimli

Telegramda izləyin