Oğru ev sahibi tərəfindən döyüldüyü üçün polisə şikayət etdi - VİDEO

İstanbulda qeyri-adi oğurluq hadisəsi baş verib. Mələk Yavuz evinə girən iki qadın şübhəlinin üzərinə sanki uçaraq onları yerə yıxıb.

Sonxeber.az xarici mediaya istinadən xəbər verir ki, oğrulardan biri qaçarkən, digəri döyüldüyü üçün ev sahibindən şikayət edib.

Yavuz Bağcılar Yıl Mahallesində evinin qapısından girən iki qadın oğru ilə üz-üzə gəldi. Oğrulardan biri evdən çantanı götürüb sürətlə qaçdıqdan sonra Yavuz pilləkənləri sürətlə aşağı enmək istəyən şübhəli ilə bir müddət dava edib və çantanı geri alıb. Ev sahibi yenidən ondan qaçan oğrunu mənzilin qapısının qarşısında yerə yıxaraq yaxalayıb.

Yavuz oğrunu saçından tutaraq hadisə yerinə gələn polis qruplarına təhvil verib. Digər şübhəli isə bundan fürsət kimi istifadə edib və sürətlə hadisə yerindən qaçıb. Saxlanılan şübhəli ev sahibinin onu döydüyün əsas gətirərək şikayət edib. Digər şübhəlinin tutulması istiqamətində işlər davam etdirilir.

Vüsalə İbrahimli

Telegramda izləyin