9 yaşlı qız məktəbdə 16 yaşlı oğlan tərəfindən ölümcül döyüldü

Almaniyanın Duysburq şəhərində 9 yaşlı türk qızı məktəbdə hücuma məruz qalıb.

Sonxeber.az türk mediasına istinadən xəbər verir ki, Almaniyanın Duysburq şəhərində məktəbdə təcavüzə məruz qalan 9 yaşlı Ayşegül Ç. müalicə olunmaq üçün xəstəxanaya aparılıb.

Ayşegülün atası "3-cü sinfində oxuyan qızım günorta dərs zamanı tualetə gedib. Oradan çıxarkən 15-16 yaşlarında olan oğlan qızımın üstünə hücum edib və onu ölümcül döyüb. Hadisə zamanı qızımın dostu təsadüfən orda olmasa idi daha pis şeylər baş verə bilərdi. Məktəbdə çoxlu müəllim olmasına baxmayaraq təcili tibbi yardıma özümüz zəng vurduq. Polisə xəbər verdik. Polis idarəsi məktəbdən 300 metr aralı olsa da, heç kəs gəlmədi. Biz yenidən polisə zəng etdikdə iki polis əməkdaşı gəldi. Hadisə yerində heç bir araşdırma aparmadılar. Barmaq izini belə almadılar. Daha sonra təcili tibbi yardım gəldi, biz xəstəxanaya getdik", - deyə açıqlama verib.

Ayşegülün səhhətinin getdikcə yaxşılaşdığını deyən ata, qızının fotoşəkillərdən şübhəlini tanıdığını bildirib və onun tutularaq ən ağır şəkildə cəzalandırılmasını tələb edib.

Dünən Xarici İşlər Nazirliyindən verilən açıqlamada hadisə ilə bağlı istintaq prosesinin yaxından izləndiyi bildirilib.

Telegramda izləyin