Melaniya Tramp nifrət etdiyi və ən təhlükəli hesab etdiyi yeməyi AÇIQLADI

Tezliklə yenidən ABŞ-ın birinci xanımının yerini tutacaq Melaniya Tramp xüsusi qidalanma tərcihlərini bölüşüb. Keçmiş top-model seçkidən bir neçə həftə əvvəl yayımlanan "Melaniya" adlı xatirə kitabında hansı yeməkləri sevmədiyini açıq şəkildə ortaya qoyub.

Lent.az-ın xəbərinə görə, "Daily Express" yeni seçilmiş prezident Donald Trampın həyat yoldaşının yemək seçimlərindən yazıb.

Məlum olduğu kimi, 54 yaşlı sloveniyalının suşi və saşimiyə qətiyyən həvəsi yoxdur, xüsusən də çiy balıqdan istifadə etdiyinə görə. Melaniya belə yeməyi zərərli və son dərəcə təhlükəli hesab edir.

Melaniya kitabda 2019-cu ildə Yaponiyaya dövlət səfəri zamanı ona altı yeməkdən ibarət dəbdəbəli şam yeməyi təklif edildiyi vaxtı təsvir edib.

"Mümkün olduqca yerli yeməkləri dadmağa çalışıram və Tokioda şam yeməyi yapon mətbəxinin gözəl nümayişi oldu. Bu, mənim tərcihlərimə tam uyğun gələn ləzzətlərin və teksturaların incə balansı idi", - Melaniya xatirələrində xatırlayır.

Tokio İmperator Sarayında keçirilən bu şam yeməyi zamanı Melaniya və Donald "cote de boeuf rôtie, glace mont fuji" deserti və digər ləzzətli yeməklərdən həzz alıblar. Onlar həmçinin Yaponiyanın keçmiş baş naziri Şinzo Abe və həyat yoldaşı Akie Abe ilə naharda mal əti bifteki yeyiblər. Ancaq masada suşi və ya çiy balıq ilə saşimi olmayıb, çünki bu Melaniyanın qaçmağa çalışdığı məhsuldur.

Qeyd edək ki, Melaniya ciddi pəhrizlərə riayət etmədən sağlam qidalanmaya can atır. Onun səhəri simuzi və ya yulaf əzməsi ilə başlayır və o, gündə ən azı yeddi porsiya meyvə istehlak etməyə çalışır. Eyni zamanda, Melaniya şirniyyatdan imtina etmir və bəzən şokolad, dondurma və ya qazlı su da içir.

Telegramda izləyin