Çörək almağa gedən 59 yaşlı qadın evinin yaxınlığında ölü tapıldı

Adanada çörək almağa gedən qadın evinin yaxınlığında ölü tapılıb.

Sonxeber.az türk mediasına istinadən xəbər verir ki, Çukurova mahalı Belediye Evleri Məhəlləsində Gülbeyaz Dəmirəl (59) adlı qadın çörək almaq üçün evdən çıxıb. Bir müddət sonra onu evinin yaxınlığında hərəkətsiz vəziyyətdə tapıblar.

Məlumat verildikdən sonra əraziyə təcili tibbi yardım və polis sövq edilib. Bölgəyə gələn təcili tibbi yardım əməkdaşları Gülbeyaz Dəmirəlin öldüyünü müəyyən edib.

Xəbəri eşidən mərhum qadının həyat yoldaşı və qızı hadisə yerinə gəlib. Həyat yoldaşı arvadının cansız bədəninin qarşısında göz yaşlarını saxlaya bilməyib. Qızının ürəyi gedib.

İnfarkt keçirdiyi ehtimal edilən qadının meyiti araşdırılma üçün tibbi ekspertizaya aparılıb.

Gülbeyaz Dəmirəlin ölümünün dəqiq səbəbi aparılan araşdırılmadan sonra müəyyənləşəcək.

Telegramda izləyin