Dünyanın həm ən şanslı, həm də ən şanssız adamı - FOTO

Dünyanın həm ən şanslı, həm də ən şanssız adamı xorvatiyalı musiqi müəllimi Frane Selakdır.

Ölkə.Az xəbər verir ki, buna səbəb isə onun dəfələrlə ölümdən dönməsi və varlanmasıdır.
Belə ki, 1962-ci ildə F.Selakın mindiyi qatar soyuq və yağışlı bir kanyonda relsdən çıxaraq çaya düşüb.
Bədbəxt hadisə nəticəsində 17 nəfər ölsə də, o, xilas edilib. Bundan sonra onun qolu sınmasına və hipertemiya keçirməyinə baxmayaraq sağ qalıb.

Növbəti il o birinci və sonuncu dəfə mindiyi təyyarənin qapısının qopması nəticəsində hündürlükdən samanlığın üzərinə düşüb.
Təyyarənin yerə çərpılması nəticəsində 19 nəfər həlak olsa da, Selak yenə sağ qalıb.

1966-cı ildə isə o avtobusla səfər edərkən nəqliyyat vasitəsi çaya düşüb və 4 sərnişin boğularaq ölüb. F.Selak isə qəzadan bir neçə kəsik və zədə ilə üzərək xilas olub.
1970-ci ildə hərəkətdə olan zaman onun avtomoili alışıb. O, avtomobilin benzin çəni partamazdan saniyələr öncə qaçmağı bacarıb.
1973-cü ildə ildə avtomobilində olarkən maşınının motoruna qaynar yağ tökülməsi nəticəsində yanğın baş verib və Selakın saçları tamamilə yanıb, amma yenə də o həyatda qalıb.

1995-ci ildə Zaqrebdə onu avtobus vursa da, sadəcə yaralanaraq qurtulub.
1996-cı ildə o, dağ döngəsində Birləşmiş Millətlər Təşkilatına məxsus yük maşını ilə baş-başa toqquşmaqdan qaçaraq qoruyucu tirə dəyib.

73-cü doğum günündən 2 gün sonra Selak lotereyada 900 min avro (təx. 1 milyon 600 min AZN) udub.
Həmin vaxt o beşinci dəfə evlənib. Qazandığı pulla 2 ev və bir yaxta alıb.
2010-cu ildə sadə həyat sürməyə qərar verib və pulun qalanını qohumlarına paylayıb.
Başına gələn hadisələrlə bütün dünyada məşhur olan F.Selakın danışdığı hekayələrin heç də hamısı təsdiqini tapmayıb.

Bununla belə o, həm ən şanslı, həm də ən şanssız adam kimi tanınır.
2016-cı ildə 87 yaşında vəfat edib.

Telegramda izləyin