"Qaragün nə otura, nə hərəkət edə bilir" - Ağamirzə Kərimdən danışdı

"Qaragün nə otura bilir, nə hərəkət edə bilir. Elə hərdən bir-iki kəlmə dil açır, nəsə hə-yox deyir".

Bu fikirləri meyxanaçı Ağamirzə həmkarı və yaxın dostu Kərimin səhhəti barədə Lent.az-a danışarkən səsləndirib.

O bildirib ki, Kərimin səhhətində yaxşılığa doğru heç nə dəyişməyib:

"Kərimin yanına gedirəm. Tanımır məni. 7-8 dəfə deyirəm Ağamirzəyəm, ondan sonra hə deyir. Anlayırsan ki, xatırladı. Öz dünyasındadır, heç kimi yadına sala bilmir. Ən yaxın ailə üzvlərini xatırlayır bir az. 10 dəfə salam verirsən birinə cavab verir. Nə hərəkəti var, nə sağalmağı. Bir az yemək yeyə bilir, vəssalam. Onun bu gününü görmək çox ağırdır, Allah ona köömək olsun".

Qeyd edək ki, Kərim 3 dəfə insult keçirdikdən sonra bədənin hərəkətini itirib. O, bir neçə ildir ağır yataq xəstəsidir.

Telegramda izləyin