15 yaşında evlənməkdən uğur hekayəsi kimi danışan qadın tənqid olundu - VİDEO

15 yaşında ailə qurduğunu bildirən və uşaq evliliyinin müsbət tərəflərindən danışan qadının videosu sosial şəbəkədə müzakirələrə səbəb olub.

Sonxeber.az türk mediasına istinadən xəbər verir ki, əri ilə mətbəxdə yemək bişirərəkən video çəkən qadın bu videonu "Bəlkə də 15 yaşına evli olmağın ən gözəl tərəfi budur... Siz burada mətbəxdə adi bir cütlüyün yemək bişirdiyini görsəniz də, biz sanki 17 il əvvəl sevgili olduğumuz zaman xəyalını qurduğumuz filmin təkrarını - birlikdə çıxdığımız yolda bacardığımız hər şeyin xülasəsini izləyirik" qeydi ilə paylaşıb.

Qısa müddətdə internetdə yayılan videonun altına "15 yaşında evlənməyin müsbət tərəfi yoxdur", "15 yaşımda hələ parkda oynayırdım", "Hər şey vaxtında gözəldir", "15 yaşında evlənməyin müsbət tərəfi varmı?", "Niyə 15 yaşında evlənməkdən uğur hekayəsi kimi danışır?" kimi şərhlər yazılıb.

Telegramda izləyin