Məşhur aktyor dükan-dükan gəzib borc ödəyir

Fevralı 6-da Kahramanmaraşda baş verən zəlzələdə 11 ailə üzvünü itirən məşhur aktyor Uğur Aslanın həyat yoldaşı Sema Ergenekon ilə birlikdə zəlzələdən zərər çəkən ailələrin market borclarını ödədiyi məlum olub.

Sonxeber.az türk mediasına istinadən xəbər verir ki, aktyor ötən axşam məkanlardan birindən çıxarkən həyat yoldaşı ilə birlikdə kameralar qarşısına keçib. Jurnalistlərə açıqlama verən cütlüyün zəlzələdən zərər çəkənlərə yardım etdiyi də məlum olub.

Müxbirin "Dükan-dükan gəzib, zəlzələdən zərər çəkmiş ailələrin borcunu ödəyirsən" deməsinə Uğur Aslan: "Bu barədə danışmaq istəmirəm. Çox şükür dəstək olmaq imkanımız var, edirik" deyərək söhbəti bitirib.

Qeyd edək ki, aktyor keçən il final edən məşhur "Yargı" serialında Eren komiser obrazını canlandırırdı. Həyat yoldaşı Sema Ergenekon isə serialın ssenaristi idi.

Telegramda izləyin