Şakira Pikedən ayrılanda ona dəstək olan məşhurun adını açıqladı

Dünya pop səhnəsinin ulduzu Şakira "Barselona"nın və İspaniya milli futbol komandasının keçmiş müdafiəçisi Jerar Pike ilə ayrılan zamanı ona dəstək duran şəxsin adını açıqlayıb.

O şəxs Hollivud aktrisası Qvinet Peltrounun keçmiş həyat yoldaşı, "Coldplay" qrupunun solisti Kris Martin olub.

"Biz ayrılanda (Jerarı nəzərdə tutur - red.) Kris yanımda idi və ürəyim parçalanmışdı. O, hər gün necə olduğumu yoxlamaq üçün gəlib mənə ruhlandırıcı, güc və müdrik sözlər göndərirdi. Mən onda həyata başqa gözlə baxan, başqalarının ehtiyaclarına həssaslıqla yanaşan və çox həssas bir insan görürəm", - deyə Şakira bildirib.

Qeyd edək ki, Şakira və Jerar Pike 12 illik münasibətdən sonra ötən yay ayrılıblar. Ayrıldıqdan sonra Şakira oğulları Saşa və Milanla birlikdə Mayamiyə köçüb. (olay)

Telegramda izləyin