"Oğlan uşaqları oxumağı lüzumsuz hesab edir" - AÇIQLAMA

Məktəbdən 9-cu sinifdən çıxarılıb evləndirilməyə məcbur edilən qızlar qədər, işləməyə məcbur edilən oğlanların da sayı az deyil. Bəs görəsən bu halın qarşısının alınması üçün hansı tədbirlər görülə bilər?

Mövzu ilə bağlı sosioloq Lalə Mehralı Sonxeber.az – a açıqlama verib:

"Adətən bu ortaq qərar olur. Çünki, xüsusən, oğlan uşaqlarının oxumaqla bağlı öz steriotipləri olur. Adətən oğlan uşaqları oxumağı lüzumsuz hesab edir. Çünki, oxuduqdan sonra iş tapmaq elə də asan deyil. Tapılsa da, minimum əməkhaqqı ilə başlayırlar işə. Biz kiçik bir ölkəyik. Yeni iş yerləri açılmalıdır ki, təhsilli vətəndaşlarımız işlə təmin oluna bilsinlər. Çünki, əgər oxuyub yenə fəhlə, kassir və.s işləyəcəklərsə, oxumağın bir əhəmiyyəti qalmır. Əvvəllər uşaqlar 9-cu sinifdən məktəbdən çıxıb peşə məktəbinə gedirdilər. Onlar öz həyatlarını gələcəkdə çox normal şəkildə qura bilirdilər. Ona görə də yaxşı olardı ki, şagirdlər 9-cu sinifdən məktəbdən çıxırlarsa, peşə təhsili almağa yönəlsinlər. Belə olan halda zavod və fabriklər özləri peşə məktəblərinə təhsilli kadrlar üçün müraciət edir".

Çiçək Sadatova

Telegramda izləyin