Afflekin 5 milyonluq nişan üzüyü Cennifer Lopezdə qalacaq

Cennifer Lopez təbii yaşıl almazdan hazırlanmış, çəkisi 8,5 karat olan nişan üzüyünü özündə saxlayacaq.

Lent.az xarici KİV-ə istinadən xəbər verir ki, bu üzüyü ona Ben Afflek hədiyyə edib. Cütlük, dörd ay yarım əvvəl Lopezin iki illik evliliyini bitirmək üçün boşanma ərizəsi verdikdən sonra, bu bazar ertəsi boşanma məsələsini həll edib.

Lopezin möhtəşəm yaşıl almazlı üzük təxminən 5 milyon dollar dəyərindədir və iki ədəd bəyaz trapez formalı almazla əhatə olunub. Əvvəllər The Diamond Pro şirkətinin direktoru Mayk Frid bildirib ki, belə ölçüdə yaşıl almaz inanılmaz dərəcədə nadirdir:

"Mən bu üzükləri 5 milyon dollardan daha baha qiymətləndirərdim, hətta 10 milyon dollara qədər dəyəri ola bilər".

Afflek daşın nadir rəngini seçib, çünki Lopez yaşıl rəngi çox sevir. Avqust ayında ayrıldıqdan sonra, bir mənbə bildirib ki, Lopez zərgərlik əşyasını geri qaytarmağa niyyətli deyil.

"Bu bir hədiyyə idi", - mənbə nişan üzüyü haqqında bildirib.

"Əgər münasibətlər alınmadısa, bu, onun üzüyü geri qaytaracağı demək deyil. Cennifer heç bir vicdan azabı hiss etmir və Ben açıqca buna etiraz etmir - o, bunu artıq iki dəfə edib! Yəni, nə olursa-olsun, nə baş verdiyini yaxşı bilir!"

Telegramda izləyin