Qadın sərnişin avtobusu idarə edən ərinə hücum etdi - VİDEO

Adanada qadın sərnişin avtobusu idarə edən boşanmaq üzrə olduğu ərinə bibər qazı ilə hücum edib.

Sonxeber.az türk mediasına istinadən xəbər verir ki,
hadisə Adananın Seyhan mahalının Kuruköprü rayonunda baş verib. Sabriyye A. (26) uşağını gizlətdiyini düşündüyü üçün boşanma prosesində olduğu ərinin sürdüyü avtobusa minərək ona hücum edib.

Belə ki, boşanma prosesində olduqları üçün Mehmet A. 2 yaşlı oğlunu qardaşına verib. Bu vəziyyəti öyrənən Səbriyyə A. ərinin oğlunu ondan gizləndiyini düşünərək dəli olub.

Qadın ərinin idarə etdiyi sərnişin avtobusuna minib. O avtobus hərəkətdə olarkən sürücü oturacağında əyləşən Mehmet A-nın arxasından gələrək ona bibər qazı ilə hücum edib. Daha sonra ərinin qolunu dişləyən Sabriye A. əsəbini saxlaya bilməyib və cibindəki bıçağı Mehmet A-nın boynuna sancıb.

Həmin anlar təhlükəsizlik kamerasına saniyə saniyə əks olunub. Yaralanan Mehmet A. idarə etdiyi avtobusla özünü Seyhan Dövlət Xəstəxanasına çatdırıb. Həkimlərin müdaxiləsindən sonra onun vəziyyətinin stabil olduğu bildirilib.

Hadisədən xəbər tutan polis Sabriye A-nı saxlayıb.

İlk ifadəsində Sabriye A "Uşağımı gizlətdiyi üçün yanına getdim, amma bir anlıq hirslə ona hücum etdim. Çox peşmanam" deyə ifadə verib. Polis bölməsindəki əməliyyatlardan sonra ədliyyəyə sövq edilən Səbriyyə A ev dustaqlığına məhkum edilib.

Faktla bağlı başladılan istintaq davam edir.

Telegramda izləyin