Melaniya Trampın inaqurasiya mərasimində geyindiyi şlyapasının GİZLİ MESAJI

ABŞ Prezidenti Donald Trampın inaqurasiyası təkcə möhtəşəm mərasimlə deyil, həm də yeni birinci xanım Melaniya Trampın zərif obrazı ilə yadda qalıb. Onun məşhur dizayner Erik Cavits tərəfindən hazırlanan qeyri-adi şlyapası isə xüsusi diqqət çəkib. Məlum olub ki, bu dəbli aksesuar dərin simvolizm və gizli mesaj daşıyır.

Oxu.Az-ın "ABC News"a istinadən verdiyi məlumata görə, bu barədə Erik Cavits özü danışıb.

Onun sözlərinə görə, Melaniyanın şlyapası onun şəxsiyyətinin yenidən dərk edilməsini simvolizə edir və mühafizəkar dəyərləri əks etdirir.

"Düşünürəm ki, bu, müəyyən təmkinlilik dövrüdür, həqiqətən də daha mühafizəkar dəyərlərə doğru dönüş anıdır. Həmçinin o, protokol barədə düşünüb, çox eleqant və sadə görünüb...", - deyə dizayner bildirib.

Cavitsin fikrincə, Melaniya Trampın inaqurasiya obrazı "çox güclü vizual mesaj" olub.

Telegramda izləyin