"Atam kimi həyat yoldaşı istəmirəm"

"İlk övladımı dünyaya gətirən zaman atam yanımda olub. Həmin günü çox istərdim ki, geri qaytarım. Mənim ağrılarım başlayanda atam əlimdən tutub, yoldaşım əsgərlikdə olub. Həmin dönəmdə atam mənim yaralarıma, dərdlərimə dərman olub".

Bu sözləri müğənni Nəfəs "Gün ortası" verilişində səsləndirib. O, övladlarından danışaraq kövrəlib:

"Oğlumu dünyaya gətirərkən atamın gücünü hiss etmə sevinci yaşamışam. Oğullar analarından dəstək gözlədiyi kimi, qızlar da atalarından o gücü alırlar. Deyirlər ana dünyasını dəyişəndə ürəyin, ata vəfat edəndə kürəyin parçalanır. Hazırda kürəyimi boş hiss edirəm. Atam kimi həyat yoldaşı istəmirəm olsun. Çünki onu heç bir kişi əvəz edə bilməz. O yalnız sənin q..n bağın olan atana aiddir. O qədər qadınlar var ki, ata boşluğunu çarəsiz qalıb hansısa kişidə axtarır, onu özünə güc bilirlər. Əslində bu belə deyil. Biz özümüz güclüyük. Vaxtında atamızın bizə verdiyi gücü üzərimizdə saxlayırıq.

Övladlarımla fəxr edirəm. Kaş ki, Allah sona qədər məni belə sevindirsin. İşimə görə övladlarıma zaman ayıra bilmirəm, ancaq yatandan-yatana onları görürəm və övladlarım bundan şikayət etməyə çalışır. Ancaq onların təhsili, geyimi, gəzməkləri, bunların hamısına pul lazımdır. Uşaq böyüdənlər məni anlayar. Ancaq mən halıma şükr edirəm ki, Allah məni belə güclü yaradıb". /Yenisabah.az

Telegramda izləyin