Zaurla Hüseynin efirdəki davası qurma imiş

Aparıcı Zaur Kamal bir neçə il əvvəl "Həmin Zaur" verilişində klarnet ifaçısı Hüseyn Məhəmmədoğlu ilə arasında yaşanan mübahisənin əvvəlcədən planlaşdırıldığını etiraf edib.

Bu barədə o, öz proqramında danışıb.

"Bir gün Hüseynin toyu var idi. "Həmin Zaur"da efirdən getməli idi. Bizim ssenaristimiz Fariz Əliyev dedi ki, Hüseynlə aranı qızışdır, dalaşsın və efiri tərk etsin. Mən də razılaşdım ki, Hüseyn toya getsin. Yalandan bir söz dedim, klarnetini yığıb getdi. Səhəri gün məni kim görürdüsə, söyürdü. O hadisədən sonra Hüseyn məni bir mövsüm idarə edib. Bütün musiqiçilərin pulunu öz cibindən verib. Amma Hüseynə ürək də qurbandır. Qəlbi təmiz insandır. Hər yerdə demişəm ki, mənə bir mövsüm kömək edib",-deyə aparıcı qeyd edib./BAKU.WS

Telegramda izləyin