Dənizə çılpaq tullanan, səhnə çəkilişinə öz pulunu ödəyən Tom Henks

Tom Hеnks 9 iyul 1956-cı ildə ABŞ-nin Kaliforniya ştatında anadan olub.

Onun cəmi beş yaşı olanda valideynləri boşanıb, qardaşları ilə birlikdə atası ilə yaşamağa davam edib.

Tom Hеnks uşaqlıqda kosmos və astronavtika ilə çox maraqlanıb. Buna görə də "Apollo 13" filmindəki astronavt rolu onun üçün xüsusi məna kəsb edir. NASA hətta ona fəxri mükafat da təqdim edib.

Karyerasının əvvəlində çox sadə göründüyünə görə onu kastinqlərə dəvət etmirdilər. O, ilk illərdə hətta bir çox uğursuz layihələrdə iştirak edib.

Tom Henksin ilk böyük ekran rolu "He Knows You're Alone" ("O bilir ki, təksən") qorxu filmində olub. Maraqlıdır ki, ssenariyə görə, onun personajı ölməli idi, lakin aktyor o qədər mehriban olub ki, rejissor onu sağ qoymağa qərar verib.

"Filadelfiya" və "Forrest Gump" filmlərində o, ardıcıl olaraq iki dəfə "Oskar" qazanıb. Bu isə çox nadir nailiyyətdir.

Tom Hеnks 2000-ci ildə "Cast Away" ("Didərgin") filmindəki obrazına uyğun gəlmək üçün 50 kiloqram arıqlayıb. Bu film üçün o, ocaq qalamağı və balıq tutmağı öyrənib. "Didərgin" filminin çəkilişləri zamanı aktyor o qədər ağır şəraitdə yaşayıb ki, ayağında ciddi infeksiya yaranıb və xəstəxanaya yerləşdirilib.

2016-cı ildə ABŞ prezidenti Barak Obama onu "Prezidentin Azadlıq Medalı" ilə təltif edib. Bu, ölkədə ən yüksək mükafatlardan biridir.

Tom Henks təkcə böyük aktyor deyil, həm də sadə və xeyirxah insan kimi tanınıb. Filmləri və şəxsiyyəti ona milyonların sevgisini qazandırıb.(oxu.az)

Telegramda izləyin