"Kirpiləri sevirəm və onların mənə bənzədiyini düşünürəm" - Yıldız Tilbe

Səhnə tərzi, güclü zarafatları və özünəməxsus duruşu ilə hər zaman diqqət çəkən türkiyəli müğənni Yıldız Tilbe ötən həftə sosial şəbəkədə adına açılan saxta hesablarla üsyan edib.

Sonxeber.az türk mediyasına istinadən xəbər verir ki, sənətçinin adından istifadə edərək etdiyi çaşdırıcı paylaşımlara görə vəkili vasitəsi ilə hərəkətə keçən Tilbe, izləyicilərini bu hesablarla bağlı diqqətli olmaları barədə xəbərdar edərək qanuni prosesə başlayacağını açıqlayıb.

Yıldız Tilbe həmçinin özəl həyatından da danışıb. Komik və sənədli filmlərə həvəsi olduğunu açıqlayan Yıldız Tilbe ən çox Texas, Tommiks və Zaqoru sevdiyini bildirib.

Tilbe özünü kirpi ilə müqayisə etdiyini də açıqlayıb. Sənədli filmlərə baxmağı da xoşladığını ifadə edən Yıldız Tilbe, "Heyvanlar aləmi məni həmişə maraqlandırıb. Məsələn, kirpiləri sevirəm və onların mənə bənzədiyini düşünürəm. Kirpilər də mənim kimi tək yaşamağı, gecəni xoşlayır", - deyib.

Telegramda izləyin