Hollivud qalmaqalı: Cici Hadid Leonardo Di Kaprio və Bredli Kuperin dostluğunu necə məhv etdi?

Hollivudun iki ulduzunun - Leonardo Di Kaprio və Bredli Kuperin çoxillik dostluğu supermodel Cici Hadidlə romantik münasibətlər səbəbindən pozulub.

Oxu.Az-ın məlumatına görə, bu barədə "Radar Online" nəşri ulduzlara yaxın mənbəyə istinadən xəbər verib.

Məlumatda qeyd edilir ki, əvvəllər ayrılmaz olan aktyorlar artıq hətta təsadüfi görüşlərdən də qaçırlar. "Onların dostluğu demək olar ki, sona çatıb, onları birlikdə və ya eyni şirkətdə görmək artıq demək olar ki, mümkün deyil. Bu çox kədərlidir, çünki onlar qardaş kimi idilər. Məsələ burasındadır ki, Bredli Kuper Leonardo Di Kaprionun Cici Hadidlə pis davrandığını düşünür və bu, aralarındakı soyuqluğa səbəb olur", - deyə insayder bildirib.

Vəziyyət 28 yaşlı Cici Hadidin əvvəllər münasibətdə olduğu 49 yaşlı Di Kaprionun qeyri-münasib davranışlarından inciyib özünü hiss etdirməsindən sonra daha da pisləşib.

Mənbəyə görə, hazırda supermodellə görüşən 49 yaşlı Bredli Kuper qətiyyətlə sevgilisinin tərəfini tutub. "Leo onu məyus etdi. Hamı görür ki, bu vəziyyətdə təşəbbüs Cicidən gəlir, lakin Bredli centlmendir və bunu səsləndirməyəcək", - deyə mənbə vurğulayıb.

Qeyd edək ki, təxminən bir il davam edən Di Kaprio və Hadidin münasibəti 2023-cü ilin əvvəlində başa çatıb, həmin ilin payızında isə model Bredli Kuperlə görüşməyə başlayıb.

Yaxınlarının sözlərinə görə, Bredli dostu üçün darıxır, lakin Cici ilə münasibətlərini riskə atmaq istəmir. İddia olunur ki, aktyorun sevgilisi Di Kaprionun yanında özünü rahat hiss etmir.

Telegramda izləyin