Tom Kruz Ben Afflekin keçmiş sevgilisi ilə birlikdə görüntüləndi

Məşhur Hollivud aktyoru Tom Kruz həmkarı Ben Afflekin keçmiş sevgilisi Ana de Arması öz helikopterində gəzdirib.

Oxu.Az-ın xəbərinə görə, bu barədə fotolar "Daily Mail" nəşri məlumat verib.

Aprelin 13-də paparassilər Tom Kruz və Ana de Arması London hava limanında helikopterdə eniş edərkən görüntüləyiblər. Aktrisa özünün iki iti ilə ictimaiyyət qarşısına çıxıb, yanında isə Tom Kruz olub.

Qeyd edək ki, iki məşhurun münasibət yaşadıqlarına dair şayiələr fevral ayında ortaya çıxıb. Tom Kruz və Ana de Armas Sevgililər günündə görüşdükləri zaman lentə alınıb. Jurnalistlərin məlumatına görə, aktyorlar Londonun Soho rayonunda şam yeməyi yeyiblər. Məşhurları pərəstişkar kütləsi əhatə edib, buna görə də onlar şəkil çəkdirmək üçün ayaq saxlayıblar.

Daha sonra "Daily Mail" nəşrinin insayderi cütlüyün eşq yaşadıqları ilə bağlı şayiələri təkzib edib. Lakin aktyorların özləri məlumatı hər hansı şəkildə şərh etməyiblər.

Qeyd edək ki, Ben Afflek və Ana de Armas 2020-ci ildə "Dərin sular" ("Deep Water") trillerinin çəkilişləri zamanı görüşməyə başlayıblar, lakin onların münasibəti uzun çəkməyib. 2021-ci ilin yanvarında cütlük ayrılıb.

Telegramda izləyin