Misirdə fironlarla bağlı mühüm tapıntı

Alimlər Qahirə yaxınlığındakı Sakkara bölgəsində aparılan arxeoloji tədqiqatlar zamanı firon Userkafın varisinin sərdabəsini aşkarlayıblar.

Oxu.Az xəbər verir ki, bu barədə Misirin Turizm Nazirliyi məlumat yayıb.

Məlumata görə, arxeoloji missiya Qədim Misirin beşinci sülaləsinin ilk hökmdarı firon Userkafın oğlu şahzadə Vaser-if-renin sərdabəsini tapıb:

"Qazıntılar zamanı tədqiqatçılar çəhrayı qranitdən hündürlüyü 5 metr, eni isə 1 metrdən bir qədər çox olan nəhəng saxta qapı aşkar ediblər. Bu ölçüdə saxta qapılar əvvəllər heç vaxt görülməmişdi. Arxeoloqlar şahzadənin məqbərəsinin içərisində üçüncü sülalənin banisi firon Coser, onun həyat yoldaşı və on qızının heykəllərini də tapıblar".

Telegramda izləyin