"Uzak şehir"in azərbaycanlı aktrisası – Bir yalanla həyatı dəyişən Sinem Ünsal kimdir? - VİDEO

Uzak şehir"in azərbaycanlı aktrisası – Bir yalanla həyatı dəyişən Sinem Ünsal kimdir?

Ölkə.Az Sinem Ünsal haqqında maraqlı faktları təqdim edir.

21 iyun 1993-cü ildə Türkiyənin İzmir şəhərinin Foça mahalında doğulub.
Atası əslən azərbaycanlı, anası isə çərkəzdir. O, müsahibələrinin birində özünü "qafqaz qızı" adlandırıb.
Orta məktəbi İzmirdə oxuyub. Eskişehirdə Osmanqazi universitetinin xarici dildə müqayisəli ədəbiyyat fakültəsindən məzun olub. Daha sonra fərdi müəllimdən aktyorluq dərsləri alıb.

O, hələ kiçik yaşlarından aktyor olmaq istəsə də, təhsil almaqla bağlı ona istiqamət verən olmadığınan ədəbiyyatı üzrə oxuyub. Məqsədi teatr üzrə ixtisaslaşmaq olsa da, karyerasına serialla başlayıb. Aktrisalıq dərsləri almaq üçün pul da lazım idi. O, elə məzun olduğu həftə İstanbula yola düşüb. İş tapa bilməyən Ünsal nəşriyyatlardan birinə zəng edərək yalan danışır və işə dəvət aldığını, onlardan cavab gözlədiyini deyir. Daha sonra müsahibəyə dəvət alır və işə qəbul olur. Burada çalışmağa başlayandan 1-2 ay sonra isə seriala dəvət alıb.

İlk dəfə 2017-ci ildə keçmiş adı ilə Foks televiziyasında yayımlanan "Çoban yıldızı" serialına çəkilib.
Onun ilk baş rolu "mucize doktor" serialında nazlı Gülengül obrazı olub.

2017-2022-ci illərdə həmçinin "Siyah beyaz aşk", "Kızım", "Elbet bir gün", "Gizli saklı" "Senden önce" adlı seriallarda, eləcə də reklam filmlərində və teatr tamaşalarında da rol alıb.
Çəkildiyi "Elbet bir gün" serialı 6-cı, "Senden önce" serialı isə cəmi 3-cü seriyada yayımdan qaldırılıb. Reytinqləri aşağı olduğundan hər iki layihənin çəkilişləri dayandırılıb.
2024-cü ildə isə reytinqli Uzak şehir" serialında Alya obrazını canlandırır. Aktrisanın ekran işindəki tərəf müqabili Ozan Akbaba da əslən azərbaycanlıdır.
"Uzak şehir" son 15 ildə ən çox reytinq qazanan türk serialıdır. Bəzi mənbələrdə yer alan məlumatlara görə aktrisa hər seriyadan 600 min lirə yəni təxminən 27 min manat qazanır.
2019-cu ildə teatr mükafatlarında İlin ən yaxşı gənc aktrisası mükafatına layiq görülüb.

O, 2020-ci ildə Türkiyə Gənclik mükafatlarında "Ən yaxşı qadın aktrisa", "Mucize doktor" serialındakı roluna görə tərəf müqabili Taner Ölməzlə "ən yaxşı serial cütlüyü" mükafatlarına layiq görülüb.

Aktrisa Subay olsa da, türkiyəli aktyorar Kıvanç Kılınç, "gizli saklı" serialında tərəf müqabili olmuş aktyor Halit Özgür Sarıilə eşq yaşayıb. Hazırda isə həmkarı Berk Cankatla sevgi münasibətləri olduğu deyilir.

S.Ünsal ailəsi haqqında məlumatları gizli saxlayır. Onun valideynləri və s. haqqında detallı informasiya olmasa da, özündən yaşca böyük Gizem adlı bacısı olduğu məlumdur.
S.Ünsala çox bənzəyən Gizem Ünsal da aktrisadır. O isə "Yarım kalan aşklar", "Fazilet hanım və kızları" kimi seriallarda rol alıb.

Daha ətraflı videoda:

Telegramda izləyin