Rabia Soytürk "ən pis tərəf müqabili" açıqlaması ilə gündəm oldu - VİDEO

"Veda Mektubu" və "Kör Nokta" kimi layihələrlə tamaşaçı qarşısına çıxan, lakin son vaxtlar ekranlardan uzaq olan məşhur aktrisa Rabia Soytürk, qatıldığı bir tədbirdə jurnalistlərin suallarını cavablandırıb.

Sonxeber.az türk mediasına istinadən xəbər verir ki, Jurnalistlərdən biri aktrisaya "Ən pis tərəf müqabiliniz kim olub?" sualını ünvanlayıb. Suallara ehtiyatla cavab verən Soytürk bəzi həmkarlarını tərifləsə də, bir ismi qeyd etməməsi diqqət çəkib.

"Ən pis deməyim, amma hamısı ilə yaxşı yola getdim. Emrəni, İsmaili, Burakı çox sevdim",- deyən Soytürkün bu sözlərinə jurnalistlər, "Bu üç ismi qeyd etdiniz, bir nəfər kənarda qaldı" şəklində reaksiya verib.

Bunun ardınca Soytürk belə cavab verib: "Pislik kimi qiymətləndirməzdim, amma simpatiya duymadığım biri var idi".

Jurnalistin söhbət açılan şəxsin "Duy Beni" serialındakı tərəf müqabili Caner Topçu olub-olmadığını soruşması zamanı isə Soytürk tərəddüd etmədən cavab verib: "Ola bilər. Hər kəsin bir-birini sevməsi şərt deyil. Əgər sevdiyim şəxsləri açıq şəkildə deyirəmsə, sevmədiklərimi də çəkinmədən söyləyərəm".

Xatırladaq ki, Rabia Soytürk və Caner Topçu "Duy Beni" serialında baş rolları bölüşmüşdülər. Serialın efirdə olduğu dövrdə cütlük arasında hər hansı bir problem yaşandığına dair rəsmi məlumat verilməsə də, kulis məlumatlarında ikili arasında anlaşılmazlıq olduğu iddia olunurdu. Soytürkün son açıqlamaları bu iddiaları yenidən gündəmə gətirib.

Telegramda izləyin