İrem Dericidən səhnədə sürpriz evlilik təklifi – "Lütfən mənimlə evlən!"

Son zamanlar şəxsi həyatı ilə tez-tez gündəmə gələn məşhur müğənni İrem Derici, bir müddətdir birlikdə olduğu DJ Melih Kunukçu ilə birlikdə Avstraliyanın Sidney şəhərinə tətildədir.

Sonxeber.az türk mediasına istinadən xəbər verir ki, cütlük tətil zamanı əyləncə dolu anlar yaşasa da, Derici gözlənilməz bir jesti ilə həm sevgilisini, həm də izləyicilərini təəccübləndirib.

Sidneydə yerləşən bir gecə klubunda səhnəyə çıxan Derici, çıxışının sonunda mikrofonu əlinə alaraq ingilis dilində duyğusal bir çıxış edib: "Aksanıma görə üzr istəyirəm. Bu mahnını sevirəm. Sevgilimi də sevirəm. Səni sevirəm. Lütfən mənimlə evlən. Artıq soruş!" – deyə o, birbaşa sevgilisinə evlilik təklifində bulunub.

Bu romantik anlar sosial şəbəkələrdə böyük maraqla qarşılanıb və qısa zamanda gündəm olub.

Telegramda izləyin