Dilan Polatdan təəccübləndirən hamiləlik paylaşımı - FOTO

Qanunsuz mərc fəaliyyəti ittihamları ilə həbs olunan və 40 ilədək həbs cəzası tələbiylə mühakimə olunan Dilan və Engin Polat cütlüyü bir müddət əvvəl məhkəmənin ara qərarı ilə azadlığa buraxılmışdı. Uzun müddət ictimaiyyətin gözündən uzaq qalan Dilan Polat bu dəfə sevindirici bir xəbər ilə gündəmə gəlib.

Sonxeber.az türk mediasına istinadən xəbər verir ki, iki uşaq anası olan Polat, sosial şəbəkə hesabında hamiləlik testinin nəticəsini paylaşaraq üçüncü dəfə ana olacağını elan edib. Bir müddətdir süni mayalanma (tüp bebek) müalicəsi aldığı bilinən Polat, test çubuğunda görünən iki xətti açıq şəkildə göstərdiyi paylaşımında həyat yoldaşı Engin Polatla birlikdə yaşadıqları duyğusal anlara da yer verib. "İki xətt var, yoxsa biz eləmi görürük?" sözləri ilə izləyiciləri ilə sevincini bölüşüb.

Polatın paylaşımı qısa müddətdə sosial şəbəkələrdə gündəm olub, bir çox istifadəçi bu xəbərə təəccüblə reaksiya verib. Daha əvvəl etdiyi bəzi paylaşımlar səbəbindən tənqid olunan Dilan Polat, azadlığa çıxdıqdan sonra sosial media fəaliyyətini məhdudlaşdıracağını bildirmişdi. Lakin son paylaşımı onun yenidən gündəmi müəyyənləşdirməyə başladığını göstərir.

Telegramda izləyin