Erdoğan süni intellektlə yaradılan körpəlik fotosunu şərh etdi

Türkiyə Prezidenti Rəcəb Tayyib Erdoğan, Avropa Siyasi Birliyinin Tiran Zirvəsində liderlərin süni intellektlə hazırlanmış körpəlik görüntüləri ilə salamlanmasını ilk dəfə şərh edib.

Sonxeber.az türk mediasına istinadən xəbər verir ki, o, bu görüntüləri "çox maraqlı" adlandırıb və tədbir zamanı gülümsəyərək izlədiyini bildirib.

19 May Atatürkü Anma, Gənclik və İdman Bayramı münasibətilə gənclərlə görüşdə danışan Erdoğan, Türkiyənin süni intellekt sahəsində atdığı addımlardan da bəhs edib. O bildirib ki, hazırda bu sahədə texniki potensiala malik universitetlər fəal şəkildə işləyir və dövlət, özəl sektor, universitetlər arasında əməkdaşlıq genişlənir.

"Güclü süni intellekt infrastrukturu ilə gələcəyə inamla addımlayırıq," – deyə o qeyd edib.

Telegramda izləyin