Nesrin Cavadzadədən azərbaycanlı izləyiciləri qəzəbləndirən paylaşım - FOTO

Məşhur aktrisa Nesrin Cavadzade son olaraq "Sandık Kokusu" serialında rol alaraq tamaşaçı qarşısına çıxmışdı.

Sonxeber.az xəbər verir ki, bu dəfə isə o, ekranla deyil, sosial şəbəkədə etdiyi bir paylaşım ilə gündəmə gəlib.

Cavadzade bel dekolteli fotolarını sosial şəbəkədə izləyiciləri ilə bölüşüb. Lakin paylaşımın altına yazdığı "Azeri girl" (Azeri qız) qeydi xüsusilə azərbaycanlı izləyicilər tərəfindən narazılıqla qarşılanıb.

Özünü "Azeri girl" kimi təqdim edən Cavadzadəyə azərbaycanlı izləyicilərdən çoxsaylı tənqidi şərhlər gəlib. İzləyicilər "Azeri" ifadəsinin yanlış və kiçildici bir adlandırma olduğunu bildirərək, "Biz Azərbaycan türkü, Azərbaycanlıyıq, Azeri deyilik" şəklində düzəlişlər ediblər.

Şərhlər arasında "Özünü təqdim etmə tərzinə diqqət et", "Azeri sözü rusların bizə taxdığı addır" kimi sərt iradlar da yer alıb.

Mövzu ilə bağlı tarixçi-yazar Prof. Dr. İlber Ortaylının da fikirləri xatırlanıb. Ortaylı, Bakıda Heydər Əliyev Mərkəzində keçirilən "Qafqaz tarixi" adlı konfransda bildirmişdi ki, azərbaycanlılara "Azeri" deyilməsi doğru deyil: ""Azeri" sözü Türkiyədə məlumatsızlıqdan işlədilir. Bu, sonradan ortaya atılmış bir ifadədir. Bu torpaqların xalqı türkdür," – deyə İlber Ortaylı vurğulamışdı.

Telegramda izləyin