Özcan Dənizlə qardaşı arasında qalmaqal: "Arvadımı narahat etsən..."

Türkiyənin məşhur sənətçisi Özcan Deniz ailədaxili qalmaqalla yenidən gündəmə gəlib. Qardaşı Ercan Deniz onun həyat yoldaşı Samar Dadgara qarşı təhqiramiz ifadələr işlətdiyi və mübahisə yaratdığı üçün hüquqi cavab ilə üzləşib.

Milli.Az xəbər verir ki, Ercan Dənizin 2 ay qardaşı Özcan Dəniz və Samar Denizə yaxınlaşmayacağına qərar verilib.

İddialara görə, müğənni Dəniz sahib olduğu yerin sənədini böyük qardaşının adına rəsmiləşdirib. Sonradan bu mülkiyyət sənədlərini öz adına rəsmiləşdirmək istəyən Özcan Dəniz sənədin ləğvi üçün qardaşına qarşı iddia qaldırıb. Onların münasibətləri pozulub.

Özcan Dəniz ötən gün paylaşım edərək böyük qardaşının onu ölümlə hədələdiyini, həyat yoldaşı Samar Denizi təhqir edib söydüyünü bildirib.

Özcan Dəniz hadisəyə əsəbiləşib və baş verənlərə sərt reaksiya verib:

"35 il məni istismar etdin, qanunsuz əməllərini mənim üzərimə atmağa çalışdın. Özünü rüsvay etdin! Bir daha mən evdə olmayanda arvadımı narahat etsən, bunun əvəzini ağır ödəyəcəksən. Sənin kimi yaramazı illərlə müdafiə elədim, qoynumda ilan bəslədim. Xanımıma etdiyin söyüşləri sənə yedirərəm. Əxlaqsız, bu qadın sənin qardaşının həyat yoldaşıdır! Sən nə qanun, nə vicdan tanıyırsan! Saxta imzalarla şirkəti və bütün qazanclarımı mənimsədin".

Hadisədən sonra Ercan Deniz prokurorluğa müraciət etsə də, Özcan Deniz də öz növbəsində həyat yoldaşına qarşı təhqirlərə görə qorunma tələb edib.

Məhkəmə bu tələbi haqlı sayaraq qərar verib: Ercan Dəniz iki ay müddətində nə Özcan Denizə, nə də Samar Dadgara yaxınlaşa bilər, həmçinin onları təhqir də edə bilməz.

Telegramda izləyin